كتبت اسماء عزازي
مقدمة من الشيف : هناء فهمي
مدة التحضير : 15 دقيقة
مدة الطهي : 30 دقيقة
1 كيس مكرونة قلم
لحمة مفرومة معصجة علي حسب الرغبة
2 بصلة كبيرة مقطعة قطع صغيرة
3 ثمرة طماطم مقطعة قطع صغيرة للحمة
1 ملعقة كبيرة ثوم مفروم
1 ملعقة كبيرة صلصة طماطم
نص كيلو طماطم مضروب في الخلاط
فلفل الوان قطع علي حسب الرغبة
فلفل حار قطع علي حسب الرغبة
1 كوب ماء مغلي
ربع كوب زيت
فلفل اسود
ورق لوري مطحون
جوزة الطيب مطحون
ملح
يوضع شوية زيت في مقلاه ثم نص كمية البصل ثوم والتقليب جيدااا حتي يدبل ثم يوضع الطماطم المقطعة ثم يوض اللحمة المفرومة وتعصج وأخيرا نضع الفلفل الالوان ونضع الملح والتوابل وتقلب حتى يتشرب اللحم الماء وترفع من على النار وتترك علي جنب
يوضع في مقلاه شوية زيت ثم البصل والثوم ويدبل ويقلب ثم يوضع عصير الطماطم وملعقة صلصة ويترك حتي الغليان ثم يوضع كوب الماء المغلي وتترك الصلصة حتي الغليان قليلا ونطفي النار
ثم يوضع الملح والتوابل ويترك لحين الاستعماب نحضر طاجن او صينية او قالب كيك ثم ندهن القالب بالزيت ثم يوضع اللحم المفروم المعصج ثم يوضع المكرونة النية من الكيس زى ماهى ناشفة ثم يوضع صوص الطماطم
ونراعي أن يكون صوص الطماطم يادوب مغطياها او متساوي معاها ويكون في مسافة في ارتفاع الصينية لاان المكرونة هتزيد ونغطيها بورقة فويل وتدخل الفرن على درجة حرارة 200 لمدة نصف ساعة
بعد التسوية تخرج من الفرن ونسيبها تهدي شوية وبسكية نمشيها داير حولين الصينية وبعدين نقلبها فى سرفيس
ملحوظة مهمة
اللحمة المفرومة علي حسب الرغبة انا عملت نص كيلو
لازم صوص الطماطم يبقي خفيف بوضع كوب الماء المغلي في الاخر ودية مرحلة مهمة جدا
لا تقلبي المكرونة وهي سخنة اوي لازم تهدي
ممكن نعمل طاجن المكرونة بالفراخ بنفس الطريقة
رئيس قسم المطبخ
اسماء عزازي
وسمسمة سعد
