طاجن جمبري مقدم من شيف رانيا علي

طاجن جمبري

 مقدم من شيف رانيا علي

زهقنا بقا من اللحمه والفراخ يلا بقا نعمل طاجن جمبري الرهيب ده 🦐 وصفه هتعتمديها من الاخر ومش هياخد منك وقت خالص 🥰
هتجييبى كيلو جمبري متقشرالحجم اللى تحبيه صغير وسط كبير كله شغال🤩 تغسليه بالدقيق وعصره ليمون
يصفى كويس جدا
يلا بقا طاسه على النار وننزل بالبصل المتقطع قطع صغيره مع شويه زيت نشوح البصل لونه يتغير ننزل بمعلقه ثوم مفروم  بسرعه ريحه فظيعه طلعت تجنن ننزل بالجمبرى ونشوحه لونه الاورنج الجميل هيظهر كده تمام ننزل بقا بفلفل الوان متقطع صغير وحبه طماطم متقطع صغير و فلفل شطه حسب الرغبه بس الطاجن ده بيبقا حلو وهو اسبايسى .
ننزل بقا بالتوابل .(ملح /فلفل/ببريكا/كارى/كمون/٧بهرات ) معلقه صغيره من كل دول
قلب بقا تقلبيتين خلاااااااص ننزله ف الطاجن اللى هندخله بيه فى الفرن
بس استنى بقا عشان احط التركه بتاعتى اللى هتخليه طعمه يجنن
عارفه الطحينة اللى حضرتك بنعملها على طول ايوه هى دى سهله طبعا ننزل بيها على الطاجن من فوق متكونش تقيله تكون وسط خلاص بقا ندخله الفرن لحد ما الوش يتحمر ويبقا ذى ما انتى شايفه كده
طعمه رهيب جربيه
كل سنه وانتم طيبين

فوائد الجمبري

يحتوي الجمبري على جميع الأحماض الأمينية الأساسية التي يحتاجها الجسم، وكما أنّه يُعدّ خياراً مُناسباً للحصول على كميّات جيدة البروتين دون استهلاك كميّات كبيرة من الدهون المُشبعة، بالإضافة إلى كوْنه غنيّاً بعددٍ من العناصر الغذائيّة والفيتامينات والمعادن التي يحتاجها الجسم، كالفسفور، وفيتامين ب12، والحديد، والبوتاسيوم، والزنك، والكولين، بالإضافة إلى عناصر الكالسيوم، والمغنيسيوم، والسيلينيوم التي تدعم صحة العظام، كما أن الجمبري لا يحتوي على كميّات كبيرة من الكربوهيدرات أو السعرات الحرارية؛ لذلك فهو خيارٌ مثاليٌّ لمن يحاولون خسارة الوزن. ويعد الجمبري أيضاً من أفضل المصادر الغنيّة بعنصر اليود، وهو من المعادن المهمة التي يُعاني بعض الأشخاص من نقص مستوياتها في الجسم، ويحتاج الجسم لعنصر اليود للحفاظ على وظائف الغدّة الدرقية وصحّة الدماغ، كما يحتوي الجمبري على أحماض أوميغا 3 وأوميغا 6 الدهنيّة، بالإضافة إلى مُضاد الأكسدة أستازانتين  وهو أحد الكاروتينات التي تُنتجها الطحالب البحريّة التي يتغذّى عليها الجمبري، وهو المسؤول عن لون الجمبري المائل للأحمر، وله العديد من الفوائد الصحية، فهو يُقلل من الالتهابات التي تُسببها افي الجسم.

رئيس قسم المطبخ أ سمسمه سعد

تابع ايضاطريقه عمل دجاج روستو بالفرن على الطريقة الهندية  مقدم من شيف محمد ربيع