طاجن ورق عنب باللحم مقدم من امنيه ماهر
مده التحضير ساعه
مده الطهي ساعه
المقادير
شرائح لحمه بوفتيك وهنتبلها ب(ملح وفلفل اسود وبصل بودر وثوم بودر وحبهان بودر وليمون)ونتركها شويه في التلاجه و نشوحها في سمنه
ربع كيلو ورق عنب ونغسله جيدا ونسلقه ونجهز خلطه الارز عباره عن نشوح بصله في زيت وسمنه ولما تصفر نضع نصف كيلو طماطم نضربها في الخلاط مع قرن شطه وملعقتين كبار صلصه طماطم وملح وفلفل اسود ونتركها لحد ما تتسبك
2 كوب ارز ونضع عليه ملعقه كبيره كزبره ناشفه وكمون ورشه فلفل اسود وحزمه بقدونس وكزبره خضره وشبت وبصله نيه قطع صغيره وربع كوب زيت ونخلطهم جيدا ونضع الطماطم اللي اتسبكت ونخلطهم
الطريقه
نضع شرائح طماطم وبصل في صينيه ثم اللحمه و صوابع المحشي ونضع مكعب مرقه ونسقيه شوربه مغليه ونغطيه بورق فويل وندخله فرن سخن حوالي ساعه لحد ما يشرب الماء ويستوي ثم نسخن فحمه ونضعها في طبق صغير ونضعها علي المحشي ونطفيها بسمنه ونغطيه شويه ونقلبه وبالهنا والشفا
رئيس قسم المطبخ أ / جيهان جعفر
