طب اعمل ايه …. بقلم / هويدا طه
طب اعمل ايه
شعر / هويدا طه
بيلوموني يقولوا باردة
الدنيا قامت وانتى أعده
ومن حظوظك الحلوة واخدة
طب شافوا همى جوه قلبى
اتظلموا زيي وأعدوا جانبى
ولا الشطارة يجيبوا سيرتى
طب أعمل إيه بس ياربى
أشيل معاهم يارتنى عاجبة
أكون ف حالى مايعدى بكره
وأدينى ساكتة شايلة وراضية
هو الشطارة يجيبوا سيرتى
طب أعمل ايه بس ياربى
أعيش عيشتهم ويقولوا بيتهم
اروح معاهم وكأنى هبلة
عيشة خنيقة مليانة ضيقة
خلاص تعبت هامشى واسيبهم
المزيد من المشاركات
وأدينى ساكتة شايلة وراضية
طب اعمل ايه بس ياربى
لما أكون جوايا هم
محتاجه حضن دافي يُضم
والوشوش قلباها غم
لا الحبايب والصحاب
حتى اخوك من نفس الدم
كله بيبعد وقت السؤال
كأنك طالب منه مال
هى الحقيقة كلمة رقيقة
تبقى عايزها فى وقت خنقة
ولما يقولوا عايزين سؤالي
وأشيل معاهم طب وأنا مالى
هاروح وأسيبهم واكون لحالى
وأدينى ساكتة شايلة وراضية
طب اعمل إيه بس ياربى
هويدا طه
