طرطور بعجور
طرطور بعجور
طرطور بعجور … قرر يبقا بطل
مهو سيما وقيمة … ده واد ما حصل
…………………………………….
طرطور علي كيفك… بردك صيفك
عنه متستغناش
صوت الطبله يرن علالي
مأنت يا روحي عنده الغالي
وفي أفراحك أرجوز متحني
وفي أحزانك حبيب متعني
فوق كتفة الواد بيشيل
حتي لوكنت قد الفيل
……………………………….
وتمر سنين وأبو الطرطير
رسم الرسمة … وبقا في القسمة
وباعك
لصحاب العصمة
بعد ما كان بييوس الإيد !
عبد متين لسيده شديد !
بقا قال أيه ؟!!!
النايب ……………..البية
……………………………………….
أما صحيح طرطور عايب
بس العيب ع الزمن الخايب
عيني علينا وسط مصايب
………………………………………
وصفه وسحرها م يخيبش
دكتور لأمؤخذة قالهلكم وش
كبر كرشك …سد ودانك
طبل زمر عيش أرجوز
مابو طرطور خلاص بيقش
…………………………………………
سوس وبينخر جوه الحيط
والحيط مايل … يبعتلي رسايل
إلحق بيتك مش هيدوم
طول ماهو فية ولاد الشوم
والسوق قايم ع الطرطير
وكل ما فيها بقو ناس بعجير
طرطور بعجور قرر يبقا بطل
رانية المهدي