اسم الوصفه الذرة الصفراء المعلبه
مقدمه من ايمان عبد الوهاب
مدة التحضير ١٠ دقائق
مدة الطهى من ساعه ونصف لساعتين
المكونات
ذره صفراء بالغلاف بتاعه الواحد تقريبا بجنيه ونصف
ماء
خل
ملح
سكر
برطمانات زجاج بغطاء محكم
الطريقة
هنجيب ذره ونضفه ونفرطه ونشيل منه اى شراشيب وهنفرطه ازاى بنجيب سكينه مشرشطه ونمشيها بين سطرين منه بالطول ونشيل السطرين دول بسن السكينه وبعد كدا هيبقى سهل جدا اننا نفرط الباقى بايدنا سطر سطر بالطول ودى احسن طريقه عشان مايطلعش معانا كوالح ولا قشر رفيع بتاع الذره وكمان الحبه بتبقى بحبتها مش متقطعه
بنغسله ٣ او ٤ مرات لحد ما المايه تنضف خالص ونصفيه كويس ونعبيه فى البرطمانات فوق النصف بشويه ونحط معلقه صغيره خل ومعلقة صغيره ملح وملعقة صغيره سكر على كل برطمان ونكمل البرطمان مايه زى الصوره ونقفله كويس ونتأكد انه مش بينزل مايه ونجيب حله كبيره نحط فيها مناديل مطبخ او فوطه ونحط عليها البرطمانات ونغطيها بالمايه واول ماتغلى نوطى ونغطي الحله ونسيبها من ساعه ونصف لساعتين وده اللى هيحكم عليه شكل حبات الذره بس فى الغالب هيقعد ساعتين ونشيله من النايه ونحفظه فى المطبخ عادى او ممكن نحطه فى التلاجه لحين الاستخدام بس ضرورى جدا البرطمان اللى يتفتح يتحط فى التلاجه وبألف هنا ويارب
رئيس قسم المطبخ
اسماء عزازي
وسمسمة سعد
