طريقة تدميس الفول فى البيت مقدم من الشيف المتميزه ساجده جمال

طريقة تدميس الفول مش هتشتريه من بره تانى على ضمانتى #مقدم من سجده جمال
مدة التحضير 5دقايق
مدة الطهى 5سعات
على نار هاديه
المقادير
نص ك فول تدميس
نص كوب فول مدشوش
ربع كوب عدس اصفر
طماطمايه صغيره
3فصوص ثوم
ربع كوب ارز مغسول
ليمونه صغيره شرايح
معلقه كبيره نشا
معلقه كبيره ممسوحه بيكينج بودر
معلقه كبيره زيت
الطريقه
انقعى الفول من بليل واغسليه كويس وتأتى يوم الصبح ابداى سويه
اغسلى العدس والفول المدشوش. والارز والطماطم والليمون و3فصوص ثوم وحطيهم معاه وقلبيه وضيفى البيكينج وقلبيهم واخر اخر معلقه الزيت ع الوش ومتقلبيش وحطيه فى الدماسه على نار هادئه جدااااا او سخان الدماسه
ملاحظات
احسن طعم للفول بيكون فى الدماسه بس لو مفيش ممكن حله بس الومنيوم
الفول ميعديش نص الدماسه او الحله والميه توصل لتلات ارباع الدماسه
متفتحيش عليه قبل ساعتين ولو محتاج ميه زودى ميه مغليه مش بارده
البيكينج بودر بيخليه ناعم وزى الزبده وبياخد وقت اقل فى التسويه بكتير
الليمون بيحافظ عليه وميخليهوش يسود
معلقه الزيت بتخليه سايب مش مكلكع مهما بات عندك فى التلاجه
اخر حاجه لو عندك اطفال بيحبوا هما مية الفول اكتر م حبوب الفول نفسها بعد ما يستوى خااالص هاتى ٣ معالق بالظبط ميه م الحنفيه وقلبى فيهم معلقه النشا وضيفهم ع الفول وسبيه ربع ساعه زياده ع النار الهادئه زى ما هو..
#soso