طريقة عمل الحمام : مقدمه من شيف مني صالح

كتبت سمسمه سعد

مده التحضير ساعة

مده الطهي نصف ساعة

 طريقة عمل الحمام

المكونات

حمام

بصل

الارز

التوابل

الكبد والقوانص
الطريقه
الحمام بيكون نضيف ومنقوع كويس ومصفينه من اي مياه فيه وطبعا بنورق اللي هو نفصل الجلد عن اللحم من غير مايتقطع مننا

نقطع الكبد والقوانص ونجهزهم وكل حاجه لوحدها
نقطع البصل رفيع او في الكبه وناخد منه معلقتين ونزود عليهم فلفل وملح ونتبل الحمام من جوه وبره وتحت الجلد ونركنه على جنب

ناخد باقي البصل مع سمنه وزيت يدبل شويه وننزل بالقوانص ونشوحها حوالي ٣دقايق بعدها ننزل بالكبد ونشوح دقيقه وننزل بالرز بتاعنا مع فلفل وملح ورشه كمون وبهارات وجوزه الطيب وزره قرفه مع رشه حبهان
وانا بزود الفلفل الأسود في الحمام بيبقى اطعم كتير… اشوح كل ده لمده دقيقه واسقيه بمياه مغليه زي اي رز عادي ويادوب يتشرب واطفي عليه ويتغرف يبرد في حاجه واسعه علشان مايستويش وهو على بعضه
هابتدي احشي الحمام من فوق وتحت الجلد وجوه البطن من غير ما ازود الرز اخليه هاوي معايا لان الرز لسه هايزيد جواه
اقفله كويس ومخليش فيه اي بواقي رز
واجهز قلايه فيها سمنه وزيت واحمر الحمام كويس من كل جنب
ارصه في صينيه حيطنها عاليه وازود الحمام بميه مغليه وده مهم جدا كده عمروا مايفرقعش معاكي خالص لانه اتحمر والجلد شد وكمان المياه مغليه وهايغلي كله في أقل من دقيقه
وازود بصله مبشوره مع فلفل وملح وانزل على الحمام واغطي عليه يستوي براحته
هاياخد حوالي نص ساعه وشويه كده لحد مايستوي وشربته هاتقل معانا اصفيه منها وادهنه سمنه وانزله تحت الشوايه يتحمر ويشد َمعانا وكده جاهز معانا للاكل

عملت جانبه خضار مشكل سوتيه وضفت بصل بسيط مبشور وملح وفلفل ونص كوب ميه وحته زبده صغيره واستوي مع بعضه
والف هنا
رئيس قسم المطبخ أ سمسمه سعد

وأ بطوط احمد