طريقة عمل السينابون طعمه تحفه مقدم من الشيف داليا الصباغ
كتبت سمسمه سعد
طريقة عمل السينابون طعمه تحفه
مقدم من الشيف داليا الصباغ
مدة التحضير : 20 دقيقة
مدة التجهيز :15دقيقة
المكونات
4كوب دقيق
نص كوب سكر
نص كوب زبدة
2كوب لبن (دافئ)
كيس خميرة
رشة ملح
كوب الاربع دقيق لوحدهم عليهم معلقة كبيرة بيكينج بودر
للحشو
كوب الأربع زبدة لينة
كوب سكر بني (ان وجد) أو سكر عادي متقلب عليه معلقة عسل اسود
3ملاعق كبيرة قرفة
معلقة كبيرة كاكاو خام او نسكويك
لعمل الصوص الأساسي
علية جبنة كيري أو مثلثات (لافاش كيري)
كوب سكر بودرة
2ملعقة زبدة سايحة
نص كوب لبن
فانيليا
للتزين
صوص شيكولاتة
صوص كراميل
صوص شيكولاتة بيضا
مكسرات
الطريقة
في بولة نضع اللبن الدافئ والسكر والزبدة ونضيف وتقلب نضيف كيس الخميرة وتترك جانبا لمدة خمس دقائق حتي تتفاعل الخميرة
في بولة غويطة نضع أربع أكواب الدقيق ورشة الملح وثم نضيف الخليط المختمر وتقلب جيدا حتكون العجينة لينة وبتلزق متقلقوش سيبوها تخمر نص ساعة
بعد اختمراها حنضيف الكوب الأربع دقيق المضاف عليه البيكنج بودر وتقلب جدا حتلف معاكي
نرش دقيق علي الرخامة ونقوم بفرد العجينة بالنشابة علي شكل مستطيل
تفرد الزبدة اللينة علي العجين ونخلط السكر علي القرفة و الكاكاو ويرش فوق الزبدة حتي نغطي العجين كله
تلف علي شكل رول ونقيس تلات أصابع وتقطع العجينة بالخيط مش بالسكينة
وترص في صواني بيركس الكمية دي حوالي (16قطعة)
وتدخل الفرن علي درجة حرارة 170في الوسط لمدة ربع ساعة حتي تصبح ذهبية اللون
لعمل الصوص
تهرس الجبنة جيدا ونضيف عليها ملعقتين الزبدة والفانليا واللبن وتقلب بالوسك جيدا ثم نضيف السكر البورد ويقلب ويكون الصوص جاهز يصب علي السينابون بمجرد خروجه من الفرن
وتزين حسب الرغبة
والف هنا
المزيد من المشاركات