طريقة عمل الكسكسي البيتي

طريقة عمل الكسكسي
مقدم من شيف داليا الصباغ

مدة التجهيز 1/2 ساعة
مدة التحضير ساعتين

المكونات :
دقيق لبن قشطة سمنة رشة ملح رشةسكر

طريقة التحضير :
في بولة غويطة يتم فرك الدقيق ونرش الملح والسكر ونسقي باللبن شوية شوية بحيث يكون في جزء تكتل باللبن وفي شويةدقيق ناشف بردوا
ممكن عادي جدا يتسقي بالمية لو حبيبتي بس اللبن بيخليه لونه ابيض
طبعا نكون مجهزين القدر الخاص بالكسكسي يغلي علي النار
وفي الكبة نضرب اللي عملاناه بحيث بيتكون معاكي حبيبات صغيرة لو حاسيتي أنها ناشفة والدقيق واضح ذودي لبن ولا معجن زودي دقيق وبعد ما تخلصي الكمية كلها يرفع علي النار لمدة ساعة دي اسمها (التبخيرة الاولانية)
تخليه يبرد شوية ونجيب المنخل الخاص بالكسكسي وننخله
في وعاء عميق لحد ما تخلصي الكمية
نبتدي نضيف قشطة اللبن والسمنة ونفركه براحة اليد لحد ما تحسي أنه اتسقي كويس وايديك بتلمع من المادة الدهنية
يرفع علي النار مرة أخري لمدة ساعة كمان (التبخيرة التانية)
حتي تمام النضج
ممكن يتاكل حلو وحادق