كتبت سمسمه سعد
المقادير
كيلو دقيق
1/2 كوب سكر
ذره ملح
1/2 لتر ماء
نصف كيلو زبده للفرد
2معلقه زيت
الطريقه
نحط كل المكونات مع بعضه ونبدا بالمقادير الجافه الاول وننزل بالماء قليل قليل
هنعجن كله مع بعض
هناخد العجين لو محتاج شويه دقيق نلم بي العجين
هى بتبقى عجينه متماسكه ما بتلزق باليد ونتركها تستريح
ثم نفردها مستطيل ونوزع عليها الزبده بدرجه حراره الغرفه
ومع مراعاه عدم ترك اى قطعه بدون ما اغطيها بالزبد
وتلف زى السويسرول جيدا
ونخلى لحام العجين من تحت
وفى المرحله دى العجين بيحب الزيت هندهن وش العجين زيت ونتركها ترتاح نصف ساعه ساعه
و قطعتها على 3 عشان يبقى 3 فطاير
ويترك يريح نصف ساعه او اكتر
ثم نفردها واحده واحده
ثم نطبق زى الظرف وثم نلمها بالراحه زى الكوره وبالراحه عشان الزبده موش تخرج
لانها هى اللى بترفع العجينه لانه طبعا مفهوش خميره
ونتركها ترتاح واعمل الباقي
ونغطيهم يرتاحوا كده ثم نفردهم فى صنيه ونكون دهنينهم زيت بسيط
وهفرده بالنشابه براحه كده او بايديك
واتركها تستريح شويه قبل ما ادخلها الفرن ويكون فرن حامى على اعلى درجه
واطلعها تحت الشوايه لما تعلى علشان تحمر والف هنا
رئيس قسم المطبخ أ سمسمه سعد
واسماء عزازي