طريقه عمل البسبوسه

اسم الوصفه: البسبوسه
مقدمه من: عبيرحافظ
مده التخضير: 20 دقيقه
مده الطهى: 40 دقيقه
نصف كيلوسميد..200جرام سمن بلدى..200 جرام لبن على زبادى كوب جوز هندناعم نصف كوب عسل جلوكوز ..لومش عندك يبقى شربات تقيل ..ربع كيلوسكر…رشه ملح ..رشه فانيليا.
الطريقه:
ضيفى السكر على السمن واخلطيهم كويس بايدك او بالمضرب ..بدون مبالغه فى الضرب..ضيفى اللبن..والعسل وجوز الهند..ونخلط كويس ..حطى رشه الملح على السميد وضيفيهم على الخليط ..واخلطى كويس باطراف صوابعك ..بدون عجن ..ندهن الصنيه سمن..ونفرغ الخليط ونخبط الصنيه كام خبطه عشان الخليط يتساوى..ونبل ايدينا ميه ونساوى الوش ..وبطرف السكينه حددى الوش مربعات تحديد بدون تقطيع ..ونزين الوش بمكسرات حسب الرغبه..وتدخل الفرن متوسط الحراره..لحد ماتاخد لون حلو..وتسقى بالشربات وهوسخن وهى كمان سخنه ونغطيها بفويل ودخليها الفرن تانى مطفى ..وهودافى عشان تبقى طريه ومرمله.
للشربات:
2كوب سكر.. 2كوب ميه..نرفعهم على النار..اول مايقرب يغلى نضيف نصف كوب عسل جلوكوز ..ونقلب كويس لحدمايغلى..نضيف طرف المعلقه ملح ليمون ..او عصره ليمون..غلوتين ونطفى ونحط عليه معلقه سمن بلدى ورشه فانيليا ..ونسقى علطول..والف هنا.