طريقه عمل كرواسون الالوان مقدمه من شيف فاطمه عطيه

طريقه عمل كرواسون الالوان

مقدمه من شيف فاطمه عطيه

مدة التحضير ساعه

مدة الطهي ربع ساعه

المكونات

نص كيلو دقيق/
ربع معلقة صغيرة ملح
٣معالق كبار سكر
نص كوب حليب
كيس خميرة
كوب ميا شيلى منه معلقة كبيرة
١٠٠جرام زبدة

تابع ايضاطريقه عمل الغريبة الناعمه في البيت مقدمه من شيف فاطمه عطيه

نضع  كل المكونات على بعضها ولمى العجين وانتى بتلمى حتلاقى العجين لسه محتاج ميا ما تحطيش

حطى مكعب الزبدة واعجنى كويس جدا لغاية لما الزبدة كلها تدخل فى العجين
حطيها فى التلاجة ساعتين او ازيد

حضرى ٢٠٠ جرام من الزبدة
وافرديها بين ورق زبدة أو بين كيسين لفيها على شكل مربع وقفلى الكيس عليها و دخليها التلاجة

طلعى العجين خدى قطعة صغيرة لونيها بالاحمر و حطى ربع معلقة صغيرة كاكاو واعجنيها لحد ما تظبط اللون

افردى العجين اكبر من مربع الزبدة وحطى الزبدة المفرودة فيها واقفليها على شكل ظرف

ابدئي افردى العجين عشان الزبدة تداخل فى العجين كويس
وبعدين لمى العجين تانى على شكل مستطيل

وافردى تانى🙃

لحد ما تتفرد كويس جدا ولميها
ودخليها التلاجة ترتاح نص ساعة

طلعيها واقسميها نصين
نص حطى عليه العجينة الحمرا
والنص التانى العجينة البنى
وافردى

وقطعى الكرواسون زى ماتحبى

والف هنا

يحتوي الكاكاو العديد من العناصر الغذائية من  بروتين ودهون وفيتامينات ب، ومجموعة رائعة من المعادن  تشمل  الحديد والزنك والكالسيوم والمغنيسيوم والفسفور والكبريت والنحاس. ولقد قام الاوروبيون باضافة السكر لتحسين مذاق حبوب الكاكاو المر ، والتي تطورت الى صنع الشوكولاته  ، فالشوكولاته بالاساس هي عبارة عن مسحوق الكاكاو مضاف له السكر والحليب وبعض النكهات والمضافات ، الا ان الكاكاو هو اساسها بما يحويه من كميات عالية من مركبات الفلافونويد المضادة للاكسدة . وكلما كان محتوى الشيكولاته من الكاكاو عالي ، كلما كانت  داكنة أكثر ، وأغنى بمضادات الاكسدة. والشوكولاته الداكنة ذات النوعية الجيدة هي التي تحوي ما لايقل عن 65% من مكوناتها كاكاو.

رئيس قسم المطبخ أ سمسمه سعد