طريقه عمل مسحوق المغات مقدمه من شيف ندي فاروق
كتبت سمسمه سعد
المقادير
ربع كيلو حلبه حصي
4معالق كبار نشا
3 معالق كبار من
الكروايه والينسون والشمر والكركم والسمسم
2معلقه كبيره محلب بودر
الطريقه
نغسل الحلبه كويس جدا جدا جدا جدا
ثم نتركها تنشف يومين لسهوله تنقيتها
بعد ماتنشف بيكون سهل جدا تنقيتها
نقوم بتحمصها في طاسه علي النار بدون اضافه اي ماده دهنيه
بعد الخطوه دي تقدري تحتفظي بالحلبه في برطمان سنين ميجرلهاش حاجه
وبعد ذلك نطحنها في المطحنه كويس وننخلها
ثم نقوم بتحميص الينسون والشمر والكروايه
وهم سخنين نطحنهم في المطحنه وننخلهم علي الحلبه ونضع عليهم باقي المقادير ثم نقوم بنخلهم كلهم مع بعض حتي تصبح عندي بودره المغات ناعمه جدااا
تقدري تحفظي بيها في اي برطمان في التلاجه سنين
طريقه تحضير مشروب المغات المضبوط جداا
2معلقه كبار سمنه بلدي علي النار يسخنوا
انزلي بمعلقه كبيره سمسم ولو حابه مكسرات وجوز هند ثم انزلي ب3 معالق كبار مغات وشوحي يدوبك يطلع ريحتها انزلي ب2 كوب ونص مياه ويغلي قدمي بالف هنا ورشي علي الوش مكسرات حسب الرغبه وبالف هنا