طريقه عمل بيتزا المكرونة مقدمه من شيف مروة الجزار
طريقه عمل بيتزا المكرونة
مقدمه من شيف مروة الجزار
مده التحضير عشر دقائق
مده الطهي ربع ساعة
انهاردة وصفتنا خفيفة وتغيير وطعم جديد وتنفع من ضمن الوصفات الي لو عندك شوية مكرونة متعصجة ممكن تعيدي تدويرها وتوديها في حتة تانية خالص في الطعم وبالعكس بتكون اطعم هنضيفلها طبقة بشاميل لذيذة وعلي الوش نضيف مكونات البيتزا
يلا بينا علي طريقتها
بيتزا المكرونة
الصيف محتاج وصفات خفيفة وبعيدة عن التسبيك والصلصة وانا اخترت الوصفة دي عشان لو محتارة وعايزة تطبخي حاجة خفيفة وطعما حلوة في نفس الوقت والتغييير مطلوب
الطريقة
تابع ايضاطريقه عمل البيتزا بالسلامي مقدمه من شيف مروة الجزار
1️⃣اول حاجة هنسلق المكرونة بملح وزيت عادي ونعصج اللحمة المفرومة بملح وفلفل وكمون وبهارات لحمة وبهارات حواوشي او شاورما او كفتة هنشوح البصلة وفص توم مفروم لحد ما يصفروا وننزل باللحمة المفرومة ونقلب ونضيف لها توابلها الي قلتها لحد ما تنشف وتفلفل اكون محضرة طماطم مضروبة في الكبة من غير ماية خالص وانزل علي اللحمة المفرومة واضيفلها ملعقة كبيرة صلصة ومعلقة كبيرة كاتشاب واسيب الصلصة باللحمة المفرومة تتسبك خالص بعد سلق المكرونة اخلطها باللحمة المعصجة .
2️⃣اعمل طبقة البشاميل وهيا عبارة عن 3كوب لبن وعليهم 3معالق دقيق ومعلقة سمن او زبدة كبيرة مع معلقتين زيت وملح وفلفل ومعلقتين كبار لبن بودرة جربيها مش هتندمي او كريمة طبخ او مكعبات كيري او مثلثات نستو ازاي يا ستي اقولك
هتسخني الزيت والسمنة وانزل بالدقيق واقلب بالويسك اليدوي بسرعة واضيف اللبن مع التقليب المستمر علي البارد وارفعه علي النار واحط ملح وفلفل واللبن البودرة وايدي باستمرار شغالة لحد ما تتقل وتغلي ارش البشاميل علي المكرونة .
3️⃣اقطع طماطم مكعبات وفلفلة مكعبات وزيتون اسود واحطهم علي طبقة البشاميل .
4️⃣وارش علي الوش جبنة مواتزاريلا وممكن لانشون وممكن سلامي او سوسيس وممكن نخلط مع المكرونة بدل اللحمة المتعصجة سجق او شاورما لحم او فراخ الفكرة يارب تكون وصلت ابدعي انتي بقه براحتك
اتمني اكون افدتكم وتطلع احلي من ايديكم
رئيس قسم المطبخ أ سمسمه سعد