طريقه عمل كيكة الشيكولاته مقدمه من شيف مروة الجزار
طريقه عمل كيكة الشيكولاته مقدمه من شيف مروة الجزار
مده التحضير عشر دقائق
مده الطهي 45 دقيقة
المكونات
معانا انهاردة كيك شيكولاتة وعليها صوص يجننن بالمكسرات وعليها صوص كراميل مع شرايح كنتالوب والطعم بقه لكي ان تتخيلي الطعم
كيكة الشيكولاتة .
حلووة اووي وطريقتها مفيش اسهل منها وممكن تعمليها تورتة وتحشيها وتزينيها او ممكن تتقدم سادة مع كوباية شاااي حلوة اوي جربوهاا .
2كوب الا ربع دقيق .
2كوب الا ربع سكر .
4/3كوب كاكاو خام .
نص كوب ماية مغلية .
ملعقة صغيرة ممسوحة بيكربناتو .
كيس كيك شيف او معلقتين صغيرين .
رشة ملح .
2بيض .
كوب لبن وحطيت عليه معلقة لبن نيدو (اختيارية).
نص كوب زيت (ونقصت من النص كوباية حبة صغيرين وحطيت معلقة زبدة للطعم ).
فانيليا ورشة نيسكافيه .
الطريقة
طريقه عمل كيكة الشيكولاته
تابع ايضاطريقه عمل تورتة الفور سيزون مقدمة من الشيف دعاء نوير
في الخلاط هتنزلي باللبن والسكر وتضربي كويس اوي لحد ما تحسي ان السكر داب انزل بالزيت واضرب تاني وبعدين البيض والفانيليا والنيسكافيه واضرب كويس جدا الخليط ده لحد ما يمتزجوا كويس .
طريقه عمل كيكة الشيكولاته
هننخل الدقيق بالكاكاو بالبيكنج بودر بالكربوناتو ورشة الملح ونخلط وننزل بخليط الخلاط عليه ونص كوباية الماية المغلية وتقلبي وتنزلي بيهم في صينية متبطنة بورق زبدة او بدقيق وسمنة وعلي الفرن حرارة 200لمدة من 30الي 40دقيقة حسب فرنك وتختبريها وتطلعيها من الفرن تسيبيها تهدا وبعدين تقطعيها وتقدميها بالف هنا
صوص الشيكولاتة
كوب لبن
كوب زيت ذرة او عباد
نص كوب سكر
نص كوب كاكاو خام نوعه كويس انا استخدمت دريم
رشة فانيلا بودر
شيكولاتة كادبوري بالبندق انا جبت كذا واحدة وسيحتهم
هننزل الزيت والسكر والكاكاو واللبن ونضربهم في الخلاط كويس جدااا لحد ما السكر يدوب اطلعه في بولة واخلط معاه شيكولاتة كادبوري بتديه طعم وقوام رااااائع واخرم وش الكيك بعد ما يبرد تماما واصب عليه الصوص ده وازينها بأي فاكهة متاحة عندك وتدخل التلاجة نصاية وتقدميها بالهناا ولو عندك كراميل حطي معندكيش مفيش مشكلة بجد قنبلة
الف هنا
رئيس قسم المطبخ أ سمسمه سعد