طريقه عمل الدوناتس الجميلة بطريقة سهلة جدا والطعم لذيذ مقدمه من سماح عطية

طريقه عمل الدوناتس الجميلة بطريقة سهلة جدا والطعم لذيذ

مقدمه من سماح عطية

مده التحضير ساعة

مده الطهي ربع ساعة
المقادير

طريقه عمل الدوناتس
٣ كوب دقيق
كوب لبن دافي
٧٠ جرام زبدة
بيضة
معلقة سكر كبيرة
معلقة خميرة كبيرة
للتزين
زبدة اللوتس
شكولاة نوتيلا
كريز
شكولاة
شكولاة بيضة
فواكة مجففة
الطريقة
وعندي طريقتين اول طريقة

طريقه عمل الدوناتس
في بولة ننزل باللبن الحليب والخميرة والسكر والزبدة والبيضة ونقلب وطبعا كل المكونات بدرجة حرارة المطبخ ماعدا اللبن يكون دافي وبالتدريج ننزل بالدقيق ونعجن كويس جدا من اقل من ربع ساعة لحد ملمس العجينة مايكون ناعم جدا وطري اغطيها واتركها لمدة ساعة علشان تخمر وترتاح بعد كدة اقطع العجينة ١٥ قطعة متساوية واسبها ترتاح كمان عشر دقايق وابدا باول قطعة وابرمها ذي الحبل حوالي ٣٠ سم واعمل دايرة والف باقي الحبل عليها واسبها ترتاح حوالي ١٠ دقايق واقليها في زيت متوسط الحرارة واخلي سطح الوردة بتاعتي هي اللي في الزيت علشان الشكل الجميل الا ان تاخد اللون الزهبي الرائع واطلعها ولما تهدي ازينها باللوتس او النوتيلا او السكر البودر او باي طريقة تفضليها انا زينتها ذي ماحضراتكوا شايفين في الصور وبالف هنا علي قلوبكم اتمني ان انتوا تجربو الوصف لانها فعلا تستحق التجربة
ثاني طريقة
بعد العجينة ماتخمر افردها سمك ٢ سم واقطعها اما بقطاعة الدوناتس او بكوباية وفي النص افتحها بغطة صغيرة واسبها تخمر تاني لمدة ربع ساعة وطبعا بغطيها وبقليها في زيت متوسط الحرارة الي ان تاخذ اللون الذهبي وتهدي من الحرارة وازينها بالطريقة اللي افضلها والف هنا علي قلوبكم

رئيس قسم المطبخ أ سمسمه سعد