“طلبكم مرفوض”
حياه تستحق ان تُعاش
أنت لسه فاكر تيجي دلوقتي؟
يااااااه متأخر أوي!!
في تفاصيل في العلاقات لو مخلصتش في
وقتها .. (بتخلص) في وقتها!
(مع الاعتذار لجملة أنت مش مقدر!)
دي الجلابيه المقطعه بتاعة اي طرف عاوز
يخرج من سلوك المسؤوليه وأريح له بلا نقاش
وهري ومصالحه وشيل خاطر.. لا أنت مش مقدر، ونقطه ومن أول السطر!
علاقات سطحيه:
صدقوني لو علي العلاقات هاتتسطح وتبقي
علاقات مفيهاش عمق وهاتخسروا الحقيقي منها ولو في الشغل؛ هاتفضلوا محلك سر مش هتكبروا، ولو في الحياة نفسكم هايتقطع بسرعه وهاتبقوا بتكملوها بالعافيه بالزق!
يا تختار تتعب علشان ترتاح، اما تفضل طول
حياتك تعبان.
علاقات صحيه:
العلاقات بالتوقيت والجوده والإختيار والآمان
والجدعنة والتواجد والتقبل، حاجات ما تتباعش الا عند ولاد الاصول.. يا تري معاك تشتري ولا هاتفضل عايش طول حياتك تايه وفاكرها الدنيا وهي مفتاحها بإيدك .. ساعتها هاتقولك الدنيا
طلبكم مرفوض!
نرمين الزيات
حياه تستحق ان تُعاش
