عائلة الهواري تسعى لإفساد القضية لإخراجه من السجن بطريقة شيطانية .. شاهد التفاصيل
عائلة الهواري تسعى لإفساد القضية لإخراجه من السجن بطريقة شيطانية .. شاهد التفاصيل
لاتزال تلك الحادثة البشعة التى راح ضحيتها اربعة شباب في عمر الزهور علي يد كريم الهواري نجل رجل الأعمال المصري الشهير محمد الهواري.
تلقي بظلالها علي الشارع المصرى بل والعربي .
ومن الأمور المحزنة سعى أسرته التى تتمتع بثراء فاحش لتشويه القضية وإفساد كاميرات المراقبة التى كشفت تفاصيل قيادته للسياره بطريقة جنونية مما أودى بحياة أبرياء .
وقد اثار ماتسعى أسرته لفعله حنق وغضب الكثيرين وتوالت التعليقات وكان من بينها ماكتبته دكتورة سحر نوح أبنة الموسيقار الكبير الراحل محمد نوح عبر صفحتها الخاصة حيث كتبت قائلة :
الحقيقه مش قادره أستوعب إن فيه بشر فقدوا إنسانيتهم وضمايرهم وأخلاقهم لدرجة إنهم يحاولوا يسرقوا ويفسدوا الكاميرات إلي صورت الحادث الأليم الي مات فيه 4 شباب زي الورد منهم 2 وحيدين لأهاليهم بالرغم من إن مافيش حاجه بالنسبه للاب والام إسمها عندي بديل لو راح واحد فيه غيره وكل إبن أو بنت هما نن عين قلب الأهالي … معقول ينعدم الضمير للدرجه دي وعلشان ينقذوا شاب فاسد مدلل ومستهتر بيحاولو يسرقوا دليل إدانته … هو فيه كده … ده لو واحد موت قطه في حادثه ضميره بيأنبه والنوم بيخاصمه شهور وسنين والي عرفته إن دي مش أول مره ننوس عين والده يعمل حادثه بعربيه إنما طلع له 5سوابق وكان والده بدل مايربيه ويعاقبه بيكافئه بعربيه أكبر وأغلي … أنا الحمد لله ست مستورة الحال يعني ماعنديش عقده من الأغنياء ولا غل وحقد طبقي وإتربيت بإعتدال ومابحكمش علي الناس بمستواهم المادي وعارفه ان مش كل فقير غلبان ولا كل غني فاسد والعكس صحيح … لكن أنا طول عمري وحفضل ضد الظلم والقسوه والإفتراء والتجبر والإستهتار والدلع المرئ والتدليل المفسد وضد إستغلال النفوذ ومع تفعيل وتطبيق القانون وإحترامه علي الكل … أبويا كان دايما يقولي إوعي في يوم تحرجيني وتخلي الناس تلعن تربيتي إوعي تكسري إشاره مرور أو تمشي في الممنوع أو تركني علي رصيف المشاه أو تمشي منغير رخصة قياده علشان لو حصل واتمسكتي مش حاجي اطلعك ماتعمليش الغلط وتتصوري إني حاقف جنبك وخلي الناس تدعي للي رباكي ماتدعيش عليه أنا اتربيت كده وربيت أولادي كده ومش بحترم أي إنسان غير الي كده ومابتعاطفش مع الأطفال المدللين الفسده وبلعن اهاليهم وبحتقرهم وبقرف منهم مهما كانو مين ومهما كان مستواهم ….
التعليقات مغلقة.