عالمة النفس رشا الجندي تدافع عن ايهاب توفيق وتصرح اللي عمله صحي جدا

انتشرت في الآونة الاخيرة انتقادات واستخفافات من رواد السوشيال ميديا حول ما قام به المطرب ايهاب توفيق بعد وفاة والده حيث انه فور عدة ايّام من الوفاة قام باحياء حفل غنائي ، واعتبر بعض الجمهور ان هذا عدم حزن على والده وهاجموه بقوه. في هذا الصدد نشرت الكاتبه والإعلامية الدكتورة رشا الجندي منذ قليل رداً عليهم حيث قالت : عفواً الناس اللي بتتريق على ايهاب توفيق او تنتقده انه نزل حفله بعد وفاة ابوه ،، اللي حصل ده صحي جدا وانا كدكتورة متخصصة ومتعمقة في علم النفس بقدم كل التحية والشكر والتقدير للناس اللي قدرت تقف جنبه وتقنعه وتوصله للمرحلة دي ، اكيد دول ناس بيحبوه اوي بجد واكيد ربنا قواه بيهم وجعلهم سبب .. خلينا نكون ارقى في تفسير الأمور وكفايا الموقف اللي هو مر بيه وبدل ما تتريق او تنتقد احمد ربنا الذي عافانا من موقف زي ده وربنا ما يورينا في حد غالي عندنا ابدا .. انت مهما كنت مش هاتحب ابوه اكتر منه..

رشاالجندي علم نفس الواقع