عايزة استلم جايزة ياابو صلاح
عايزة استلم جايزة ياابو صلاح
بقلم: رانيا كمال العربى
_انتى مش بتخلينى استلم جايزة بدالك ليه؟
_ جايزة ايه؟
_ اى جايزة ولا هيا ماجى مرات محمد صلاح احسن منى!!!
_فوقى كده احنا شغلتنا مفيهاش جوايز فيها مراجيح بس !!
_ياسلام
_ يعنى ياحبيبتى هو طول ماانتى معايا ومنورانى هاخد اى جايزة فى حياتى!! ده انتى سرك باتع
_قصدك ايه؟
_بصى اقولك على حاجة ركزى مع الواد كريم ابننا وروحى معاه الماتشات وشجعيه وقولى مو كريم مو كريم وباذن الله هيكسب وياخد ميدالية صفيح ويخليكى انتى اللى تستلميها
_ كريم لسه فى كيجى تو كورة ايه دلوقتى؟
_ دى الايام بتجرى هوا ياحبيبتى
طيب تصدقى ان مجرد مايوم الاحد بيجى الاقى الخميس جاه تانى يوم علطول
_ مليش دعوة انا عايزة استلم اى جايزة بدالك !!
_ طيب انتى عارفة محمد صلاح خلى مراته تستلم الجايزة بداله ليه؟
_عشان بيقدرها وعشان يحسسها انها السبب فى نجاحه
_ لا هى الحكاية ان الراجل كان قاعد بيتفرج على لعيبة الكورة و من كتر القعدة رجله نملت و كسل يقوم من مكانه فقالها حبيبتي ما تورينا جمال خطوتك و ناوليني الجايزة دي يسترك
_ياسلام
_ الحق عليا انى مش بحب اتعبك معايا! دى حتى مراته كانت لاوية بوزها وهيا بتاخد الجايزة
_ تصدق اقنعتنى ياريت كل الرجالة زيك !! مو كريم مو كريم
التعليقات مغلقة.