عبير صبري تنعى وفاة كريم صبري وتطالب بوضع قانون للحماية أخبار المشاهير الشخصية
عبير صبري تنعى وفاة كريم صبري وتطالب بوضع قانون للحماية أخبار المشاهير الشخصية
كتبت:شروق ممدوح
نشرت الفنانة عبير صبري عبر حسابها الشخصي بمواقع تبادل الصور والفيديوهات الشهير إنستجرام صورة للفنان رامي صبري تجمعه بشقيقه الراحل كريم صبري.
معلقة عليها قائلة: “ربنا يرحم الشاب كريم صبري ويعفو عنه ويغفرله شقيق الفنان رامي صبري الحقيقه انا بناشد كل المؤثرين على السوشيال ميديا أنهم يطالبوا المجلس الأعلى للصحافة ومؤسسات الدولة المصرية مجلس النواب”.
مضيفة: “أنها توضع قوانين لتنظيم النشر ووضع حدود الأخبار الشخصية اللي بتخص المشاهير في اي مجال فني او غيره مش معقول ولا مقبول أن شاب يتوفي في حادث غرق وننشر شيء خاص بمرضه ومنحترمش مشاعر عيلته أنه وأبوه وأخواته ونتاجر بأخبار الشاب المسكين”.
متحدثة عن الإدمان: “الإدمان بالمناسبة مرض اكبر مرض زي السكر والضغط والأمراض المزمنة يعني مش قله ادب ولا قله تربية زي مااغلب الناس فاهمه وعاوز علاج وله مستشفيات خاصه مش معقول المواقع كلها تتسابق في نشر تفاصيل خاصه بمرضه وتجرح أهله وكان مش كفايه مصيبتهم وحسرتهم على ابنهم وطبعا اذيه الفنان رامي صبري والإساءة لسمعته لانه مشهور والناس تموت في الفضايح”.
متابعة حديثها قائلة: “انا مش عارفه هتستفيدوا ايه مفيش رحمة بالاهل مفيش اخلاق الستر مفيش اخلاق انك متتدخلش في شيء لايعنيك ولا يعني جمهور السوشيال ميديا ليه القسوه والرغبه في دبح الناس معنويا خصوصاً لو كان مشهور مش كفايه اللي هما فيه انتوا يعني مش عارفين أن كل البيوت فيها مشاكل وأمراض وبلاوي مقفول عليها بابها”.
مضيفة: “ايه السبب أنكوا تنشروا بهدف احراج الناس وهتك اسرار البيوت عشان فيها شخص مشهور زاي الفنان رامي صبري فنبهدله ونطلع اسرار أخ له توفي وهو يعاني من مرض من الله زيه زي ملايين الشباب .. عاشت الترند والمشاهدة اقولكم ايه بس انا قلبي وجعني على الشاب المسكين ده ومعرفهوش لكن بتمني له الرحمه والمغفره بعد موته الصعبه ولأهله الصبر أمه وأبوه وأخوه ربنا يصبرهم”.
مناشدة: “بناشد تاني كل المؤثرين علي السوشيال ميديا ينضموا ليه ويطالبوا مجلس الاعلى للصحافه بتنظيم النشر وعدم هتك اسرار الناس واغتيالها معنويا بدون داعي طالما شيء شخصي لا يفيد مجرد كومنتات شتايم ولايكات وترندات هتسألوا عليها يوم القيامة في مظالم حقوق العباد”.
إقرأ أيضًا
