عجينه قطنيه مقدمه من شيف رانيا علي 

عجينه قطنيه

مقدمه من شيف رانيا علي 

عجينه_الخمس_دقايق_قطنيه_هشه_وبدون_اى_ماده_دهننيه
يلا نعمل عجينه قطنيه وهشه وبدون زيت او سمن او اى ماده دهنيه ومقادير بسيطه جدا ومده التخمير ٥دقايق فقط
العجينه دى نقدر نعمل بيها بيتزا او فطيره ونحشيها ذى ما انتو شايفين
المقدار يكفى ٢فطيره نفس الحجم ده صنيه مقاس ٢٨
المقادير : ٢كوب دقيق منخول
نص كوب ماء دافى
معلقه كبيره خميره فوريه
معلقه سكر
٢معلقه كبيره حليب بودر
ذره ملح
الطريقه : فى بوله نحط كوب الدقيق المنخول وعليه الملح والخميره والسكر واللبن البودر ونص كوب ماء دافى ( يعنى سخن بس ايدك تستحمله عشان يشغل الخميره بسرعه ) ونقلب الخليط بمضرب اليدوى كويس جدا ونغطيه ونحطه ونحجب عنه الضوء خالص لمده ٥ دقايق هنلاحظ انه تضاعف وعمل فقاعات ننزل بكوب الدقيق التانى ونبدأ فى العجن بالأيدي .نعجن كويس جدا لحد ما تلم معانا وتبقا طريه طبعا بيختلف نوع الدقيق عن التانى فانتى لو حسيتى انها محتاجه دقيق ذودى رشه كل شويه لحد ما تلم معاكى
خلاص كده هنجيب صنيه وندهنها طبعا ونقسم العجينه دى على ٤ كور متساويه
هناخد قطعه ونبدأ نفردها بالنشابه ونخليها رفيعه على قد ما نقدر وناخد قطعه تانيه ونكرر العمليه
هنفرد اول قطعه فى الصنيه ونحط الحشوه بتاعتنا سواء كانت فراخ او جبن او اى حاجه عندك للحشو ترصيها ونحطى بعد كده الطبقه التانيه وتقفلى عليها الأطراف بتاعتها واخيرا
هتلمعى وشها بصفار بيضه وحبه لبن وشويه فلفل وتحطى بقا حبه البركه او سمسم او زعتر ذى ما تحبى وبالف هنا
المقدار ده عمل معايا فطرتين

يحتوي الحليب على البروتين الضروري للعديد من الوظائف الحيوية في الجسم، كالنمو، وترميم الخلايا، وتنظيم المناعة، إذ يُعدُّ الحليب بروتيناً كاملاً، وذلك لاحتوائه على جميع الأحماض الأمينية الأساسية التسعة التي يحتاجها جسم الإنسان لأداء وظائفه بشكلٍ سليم، ويرتبط الاستهلاك المُرتفع للحليب ومنتجات الألبان بزيادة الكتلة العضلية، وتحسين الأداء الرياضي لكبار السن، وتعزيز شفاء العضلات لدى الرياضيين، بالإضافة إلى تقليل تلف العضلات، وآلامها بعد التمرين.مصدرٌ غني بالأحماض الدهنية: يحتوي الحليب نوعٍ من الأحماض الدهنية المُختلفة، والتي تُشكل الدهون المشبعة نسبة 70% منها في الحليب كامل الدسم، وتشكّل الدهون الأحادية غير المشبعة  نسبة 28%، وأمّا الدهون المتعددة غير المشبعة بشكل طبيعي في منتجات الحليب، والتي تعدُّ مفيدة للصحة على النقيض من الدهون المتحولة المتوفرة في الأطعمة المصنعة، وتتكون الدهون المتحولة في الحليب من حمض الفاكسينيك وحمض اللينوليك المُحتمل أن يكون له فوائد صحية للجسم.

رئيس قسم المطبخ أ سمسمه سعد

تابع ايضا طاجن الكباب مقدمه من شيف مني جوده