عدت سنة.. بقلم/ ناح شرقاوي.

عدت سنه
على أجمل ايام عمرنا
كانت معانا هنا…
تسقينا شهد وهنا
بس قدرها كان
اقوى مننا…
يارتني كنت انا
هنا حضنا فرحتنا
هنا مسحنا دمعتنا
هنا قسمنا لقمتنا
وهنا كانت شقاوتنا
هنا وقفنا هنا مشينا
هنا تعبنا وبعدها كملنا
اجمل ليالينا
كل ليله من ليالينا
كل نظره من عنينا
كل لمسة من إيدينا
كل همسه كل غمزة
حتى لحظتنا الحزينة
عيشه بيكِ وبتنادينا
مش هننسى ذكرياتك
ولا هنشيل حاجة
من حاجاتك كل حاجة
بحطة إيديك ف مكانها
من يوم.. وفاتك