عزيزي الإنسان أنت قاتل.
عزيزي الإنسان أنت قاتل.
بقلم: يـــاســر عــلـيم
عزيزي الإنسان اللى مشاعره بارده ورد فعله بارد “أنت قاتل” أيوه زي ما أنت قريتها كدا أنت قاتل، لأنك برد فعل البارد لحظة كلمة حب تبقا قتلت قلب كان مستني منك رد فعل مناسب للحاله الحلوة اللى كان قلبه عايشه مساو له في المقدار ومضاد له في الإتجاه.
أنت قاتل لما حد يعمل معاك معروف وأنت تقابله بجحود وبرود، أنت قاتل لما حد يقف جنبك وينقذك من هلاك وتنكر تبقا قاتل، أنت قاتل لما تصدم حد ما بيثق فيك وأنت خُنت تبقا قاتل، لما تبخل بالكلمة الحلوة اللى بترفع المعنويات تبقا قاتل، لما يبقا همك نفسك وبس ومش شايف غيرها وأناني تبقا قاتل، لما تتعمد تجرح أو تُغدر بحد تبقا قاتل مع سبق الإصرار والترصد.
أيها القاتل الغير مطلوب للعداله الدنيوية ملعون أنت في الأرض وفي السماء ولتذهب إلىٰ الجحيم غير مأسوف عليك.
خطورة الكلمة وأثرها علىٰ النفس البشرية وجبر الخواطر من أعظم العبادات للتقرب إلىٰ الله ولا تحقرن من المعروف شيئًا فالكلمة الطيبة صدقه، يا جماعه حنوا علىٰ بعض بالكلام الطيب وطهروا النفس من الوسواس والوسوسه والحقد والغل صدقوني الحياة بالحب أجمل.
