عشانك يا مصر بقلم/ غرام نعيم
عشانك يا مصر
بقلم/ غرام نعيم
عشانك يامصر تهون الصعاب
ونفدي حياتك بكل الحبايب وكل الصحاب
يا أغلى الحبايب ياطوق النجاة
وعشقك ده هو لقلوبنا الحياة
يانور الوجود، يا أحلى الورود
ده اسمك لوحده معدي الحدود
حضارة وثقافة وعظمة جدود
يا أم الدنيا ياعالية في مقامك
الكل يهابك ويعمل حسابك
صحابك، جيرانك ،إخوانك حبايبك
وخيرك مغطي الكل وجمايلك
ولو حد عازك بتلمي ولادك وتجري عليه
تراعي وتحمي وتاخدي بإيديه
بتنسي الأسية، طول عمرك قوية
وبين البلاد مفيش غيرك انتي الحلوة بهية
ومين ده اللي يقدر في يوم يعاديكي
ده كل اللي بيجي عليكي ياحرة
يشوف العجايب تكون عيشته مرة
ده نيلك أمانة وهبة الإله
واللي يفكر يجاوز حدوده مفيش له نجاة
بنمحي تاريخه وننهي وجوده من الحياة
المزيد من المشاركات
