عشت الحب … بقلم/ جمال القاضي
عشت الحب
بقلم/ جمال القاضي
أنا عشت الحب معاك
مابين شطين
شط لاقيتك فيه وقابلت
وكان وقت نهار
كان فيه من قلبك
ورود للحب وكمان أزهار
راسمه بلونها
على وجهك منه ألوان
أحمر كنت أشوفه لما
أقول مرة أحبك
وجبال الكبر بقلبك
مع كلمة حب
علطول تنهار
خجلانه يمكن
مكسوفه مني لأني
قلت لقلبك من كلماتي
كلمة وكانت هيا بحبك
ولون أبيض شوفته بوجهك
يشبه لون أقمار
صافيه ولامعه بريقها عيونك
وساكن فيها ليل ونهار
والشط التاني
كنت وحيد وأكلم نفسي
حاير داير أحكي
لنجوم وأقولها
غابت عني وطال الوقت
ومرت فيه شمس نهار
ولاشفتك فيه
المزيد من المشاركات
ولا وعدك ليا نتقابل كان
قلت من فوق الجسر
راح أرجع تاني
وأعبر خوفي وأدور عنك
وسط جبال وصخور البعد
حسيتها بتجرح فيا
بس القلب من البعد إحتار
شك يخاطب فيه وجداني
وهمس يقولي
مش ممكن ترجع تاني
رديت أنا قلت بصوت من قلبي
ال يجب عمر مايهجر
وهجر حبيبي أكيد
له أعذار
يمكن عني حجبها ظلام
يمكن كان لغيابها
مس شيطان ووسوس ليها وقال
حبه لقلبك نساه وخلاص
بس رسالتي كانت
لقلبها عمري لحبك قلبي
ماكان غدار
أكره نفسي وأحبك أنت
بس حبي لقلبك يفضل
زي الشمس بنورها الساطع
وسط نهار
وشكها فيا كان أوهام
ورجعت تاني زي البارح
على الشط الأول
وكملت فيه قصة حبي وحبك
وعيشنا حياتنا بأجمل حال
