عم يا نحال … كلمات ايهاب صالح الشعراوي
يلي لسا جوه منك شوية من الحنين
يلي شايف جوه منك احساس حزين
دمعة عينيك خسارة تنزل على خاينين
عم يا نحال
نحلك عمال يزن
مش راسي ليه على حال
خليه علينا يحن
خليه يدينا شوق
خليه يخلينا فوق
خلينا نشرب عسله
مش علينا يزن
اقفل
على المشاعر
خليها مدفونة
اقفل
داري عليها
خليها مركونة
خليها تتحمل
مش عارفة تتجمل
ولا عارفة تظهر
غير بشكل واحد
واحد جد
مش حد جاحد
وقفت بعينيها تعاتب
وبرمش ونظرة تحاسب
ايديها كان نفسي تسلم
بصمتها كان أملى تعلم
على كل وريد في القلب
على كل وريد في القلب
تمام؟؟