عودة ريا وسكينه من جديد2021

عودة ريا وسكينه من جديد2021

 

بقلم… عزة أبو السعود 

 

منذ زمن بعيد كنا بنسمع حواديت وحكايات عن ريا وسكينه اللي حيروا ودوخوا البوليس والشرطه وقتها زمااان لكن بفضل التحريات والدقه تم القبض عليهم واعدموا شنقا لكثرة جرائمهم الشنيعة؛من المفترض: يكونوا هؤلاء عبرة لمن لايعتبر وتسوء له نفسه عن تلك ارتكاب الجرايم البشعة ، لا تعيدوا الزمن مرة اخري زمن وراح لحاله كانت فترة صعبة بس وانتهت.

 

اتفاجئنا جميعا بجرائم القتل الغير معتادة في بلدنا زادت بكثرة في الاونه الأخيرة وخصوصا من السيدات! زوجة قتلت زوجها !وصديقة قتلت صديقتها !وأم قتلت اطفالها وأبنائها!.وزوج أيضا قتل زوجته ! وكله يقتل في كله والسبب غير معروف او تافه ممكن يتحل بالتراضي والتفاهم او الطلاق الانفصال وده شرع ربنا محلله ومصرح بيه في دينا الإسلام ومافيش اي مبرر للقتل نهائي الاذا كان عقلك مغيب وبعيد كل البعد عن ربنا ساعتها بس الشيطان يتملكك ويدمر مستقبلك متخليش لحظة غضب او ساعة شيطان تضيع عمرك كله وتندم علي اللي فات
متخليش ساعة تضيع سنين!؟ سنين راحت وسنين جاية
وتتحسري علي اللي جاي وتدمري نفسك وتشردي أسرتك وتقهر عيلتك عليكي .

لا يليق بكي كل هذا الاجرام والعنف من الأساس

 

الام التي تقتل اطفالها ازاي يجيلك قلب!؟ انك
تقتلي حته منك؟ روح بريئة! كل ذنبها انك امهم
الام يعني بتضم وتحضن وتلم أقل مايقال عن الامومة او تقتلي صديقتك او زوجك ازاي بس باي قلب او ضمير او انسانيه تعطي لنفسك حق القتل و انتي العطاء والرحمه اللي منزلها ربنا علي الارض ازاي تكوني كده بالشكل والعنف ده.

خلقتي لتكوني انثي رقيقة تداوي الجراح حتي جرحك داويه بالبعد والهجر افضل من انك تقتلي وينحط في رقبتك حبل المشنقه لا يليق بيكي انتي انثي رقيقة ورحيمه انجبتي من رحم. يعني الرحمه فيكي وبيكي متستهونيش وتبقي جبروت… 

 

الرحماء يرحمهم الله 

 

واحنا اصبحنا في بلد حضارة وقانون اللي بينصف المرأة وتاريخ عريق في الرقي والأخلاق والإصلاح أيضا خدي حقك بالقانون او انسحبي وابعدي بهدوء واهديئي لتعودي لرشدك وإصلاحك .لا تسمحي؛ لنفسك او شيطانك ؛بانك تكوني قاتله حفظنا الله جميعا.

مافيش اي مبرر للقتل سواء للرجل او الست عموما، 
أنتي الحضارة و التاريخ ولكي بصمتك ومكانتك في الرقي والشياكة والرحمه والمسامحة وتاريخك يشهد بهذا .

ستات مصر لايليق بكي السجن والحبس في خناقة ساعة شيطان ساعة غضب تضيع عمرك كله ومستقبلك وترجعي تندمي استعيذي بالله وتملكي نفسك عند الغضب علي قدر المستطاع متوصليش نفسك للنهاية دي ويكون مسيرك حبل المشنقه والتشرد فمضيعيش نفسك وتتحولي لزومبي او سفاحة؛

 

ستات وبنات مصر الأفاضل

 

انتم الأمل اللي فاضل و اللي موجود عشان ننهض بمستوى راقي زي ماكنا طول عمرنا راقيين انتي الام والأخت والزوجه والابنه والمربية انتي المجتمع كله والدنيا كلها ملكك فبلاش تنجرفي وراء المشاحنات والغضب. والمشاكل التي تؤدي الي القتل. لايليق بكي حقا. انتي من حقك تدللي وتدلعي وتعيشين ملكه حتي لو في ابسط الظروف و الماديات يليق بيكي الدلال و الدلع اينما كنتي وحيثما وجدتي.

 

همساتي لكي… أيتها المرأة الحنونه العطوفه الرقيقه.
كوني امرأة حنونه تعطف وتحن كوني ام حقيقة وزوجه صالحة كوني انثي بمعني ماتحمله الكلمه من جمال من رقي واخلاق مش قتل واجرام وسفاحة دماء مهما كانت الأسباب لا تقتلي.

متخليش الحقد والغل والغيرة تعمي قلبك .

اعرفي قيمه نفسك اولا وحبي نفسك هتحبي الغير وسامحي نفسك وكوني متصالحه مع نفسك هتسامحي وتتصالحي مع الغير وبلاش تحملي نفسك ضغوطات خرجي سلبياتك اول بأول. تحملي وشيلي قدر المستطاع أيتها المرأة الجميلة والأم العطوفه.لكي لاتنهاري وتفقدي أعصابك وتصبحي سفاحة دماء.
وانت أيضا ايها الرجل عاملها برفق سواء كانت أم او زوجه او اخت او ابنه رفقا بالقوارير. ولا تحملها فوق طاقتها؛
كون سند ليها كن حنون عليها كن رجل بمعني الكلمه متخذلهاش في اي موقف تلجأ لك من أجله كون ليها طهر تستند عليه في الازمات ؛عالجها! وداويها نفسيا! بالاهتمام!! داوي جرحها باي كلمه حلوة! وطبطة! هتلاقيها ملاك لاني المرأة بطبيعتها حنونه !وتميل لمن يحنو عليها !كن طبيبها اللي بيداوي مش الجاني.