عيشها لوحدك فرح نفسك.. بقلم/ سامح بلال.
عيشها لوحدك فرح نفسك
واوعى دموعك مرة تبان
خليك جامد ابسط وافرح
وإياك تدي لحد أمان
كله بيكدب كله بيبعد
وبكره هتبقى حكاية وخلصت
ودموع عينك دي العنوان
غيرك صدق زاد ف القصة
طلع الحب دا وهم كبير
بعد وفائه وصدق مشاعره
عادي اتساب وبدون تقدير
كان بيشوف الحب مواقف
بس اتضح الحب كلام
المزيد من المشاركات
ناس تتلكك لك وتبيعك
بعد ماكنت حياة وأمان
ودموع عينك تفضل تنزل
وقلبك عاجز لأي الأسباب
بس خلاص اللوم مش كافي
ولا هيفيد ف البعد عتاب
اتعودنا خلاص وعرفنا
أن الحب كلام في كلام
وانك مهما بايه هتضحي
آخرة حبك برضو ملام
