عيش التوست السن بدقيق القمح والشوفان مقدمه من ايمان سلامه
احلي عيش التوست السن بدقيق القمح والشوفان
كتبت سمسمه سعد
مدة التحضير 20 دقيقه
مدة الطهي 30 دقيقه
المقادير
نصف كيلو دقيق القمح الكامل ( دقيق اسمر)
كوب شوفان مطحون ناعم جدا
كوب دقيق ابيض نستخدم نصف في العجين ونصف في لم العجينه والفرد
بيضه
نصف معلقه صغيره ملح
ربع كوب زيت نترك قليل منه نلمع بيهم العحينه في الاخر
معلقه كبيره بذر الكتان مغسوله ومصفاه
٢ كيس خميره فوريه
معلقه متوسطه عسل او سكر او عسل جلوكوز بيدي نتيجه رائعه
قليل من ماء فاتر مع بعض في كوب ونغطيه خمس دقايق لاختبار الخميره مهم جدا
العجن باستخدام شرش الحليب الرايب لو موجود او ماء فاتر
لتزيين الوجه حبات الشوفان + حبه سودا+ بذر الكتان
الطريقه
في وعاء نضع انواع الدقيق مع بعض والملح والبيضه والزيت وبذر الكتان والزيت والخميره ونفرك كله مع بعض ونضيف الماء شويه شويه الي ان تصبح معاكي العجينه متماسكه متكنش سايحه ولا يابسه يعني وسط ولميها بشوية الدقيق الابيض الباقي معاكي من المقادير واعجنيها جيدا من خمس الي عشر دقايق كده وفي الاخر نضع علي ايدك حبه الزيت الباقين من المقادير ولمي ولمعي بيهم العجين وغطيها ونتركها نصف ساعه اول تخمير
بعد ما تخمر ترشي الطاوله اللي هتفردي عليها شوية دقيق وتكوني داهنه القالب ا زيت خفيف افردي العجينه علي مقاس القارب ولفيها رول زي الفينو كده وندهن الوش بالفرشاه ماء ونضع الحبوب اللي نزين بيها الوجه علي الطاوله ونلف عليها الرول بالكامل ثم نضعه بالقالب ونبططه شويه بخفه عشان ياخد شكل القالب
وتغطي وتترك في القوالب مره اخري الي ان يتضاعف حجمها
الفرن يسخن علي اعلي درجه ونضع صنيه استلس بها ماء مغلي اسفل رف بالفرن والعيش علي الرف وسط الفرن ومتفتحيش قبل نصف ساعه واختبري النضج مثل الكيك ومدة التسويه علي حسب الفرن لما يطلع يترك في يبرد تماما ويتقطع بارد عشان ميتهرهدش بسكينه مشرشره رائع وصحي ومفيد الف هنا
رئيس قسم المطبخ أ سمسمه سعد
واسماء عزازي