مدة التحضير120 دقيقة
مدةالطهى 15 دقيقة
المقادير
كيلو دقيق
ملعقه خميرة جافه
ملعقه ملح صغيره
0.5 كوب ماء
ماء دافئ للعجن
الطريقة
نحضر الخميره نضع ملعقة الخميرة في نصف كوب ماء دافئ ونجيب طبق ونعجن الخميره المذابه بكوب دقيق ونغطيها ونسيبها في مكان دافي تخمر
ثم نجيب اناء عميق ونضع حوالي 2كوب ماء دافئ ونذوب ملعقة الملح ونجيب الخميرة ونضعه على الدقيق ونعجن لما يختفي الدقيق كله هنبل أيدينا ماء ونكمل عجن ولو لقيناها شاده شويه نضيف ماء قليله جدا ونعجن لما تبقى معانا عجينه مرنه وبتفرد لوحدها
نجيب صينيه ونرشها بالرده ونقطع العيش ارغفه صغيره ونحطها تحت المروحه علشان الايام ساقعة ولو فى الصيف نتركة فى الشمس ونفرد ببطن الايد بالراحه ونسيبه تحت المروحه لما يبتدي يخمر ونحس أنه هيعمل طبقه تاني من تحت نقلبه علي الناحيه الثانيه ونخف الرده من عليه بنمسحه بشاش خفيف ونسيبه لما ينشف شويه حوالي نصف ساعه ثم نقلبه تاني علي الناحيه الأولى ونمسح الرده خالص هنسخن الفرن أنا عملته في فرن البوتاجاز نشغل من تحت تسخن جيدا
نفتح العيش من علي الجوانب بي دبوس ونروح نرصه في الفرن ونقفل عليه (عالصاج)مش الشبكه لما يعلي ويزيد حجمه وياخد لون اصفر من تحت هنشغل النار من فوق ونطفي اللي تحت لما يحمر وشه ونهويه لما يبرد وبالف هنا
رئيس قسم المطبخ أ سمسمه سعد
واسماء عزازي
