عيش فينو وكيزر وسميط مقدمه من شيف شيف ابوعبدالله
كتبت سمسمه سعد
مده التحضير ساعة
مده الطهي ربع ساعة
المقادير
كيلو دقيق شديد في عرق
٣معالق سكر كبار
نص معلقه صغيره ملح
معلقه كبيرة ونص خميره فوريه
ربع كوب زيت
ماء للعجين
الطريقه
لوعندنا عجان نضع المقادير كلها ونضيف الماء واحده واحده
لحدما العجين يتزبط معانا وينعم ولو معندناش عجان
في اي اناء نضع الدقيق ونفتحه من الوسط ونضع شويه مياه والسكر والملح والخميرة وندوب بأدينا السكر ونبدأ نلم العجين ونديله ميه شويه شويه عشان يمسك عرق معانا وندعك فيه لحد ما ينعم ويبقى طري بس مش اوي وميكنش ملزق يعني يشرب مياه كويس ونضيف الزيت في الأخر وندعك بيه العجين كويس وندهنه زيت ونغطيه بكيس بلاستيك ونسيبه يخمر شويه وبعدين نقطع لقم صغيرةحسب حجم الرغيف اللى احنا عاوزينه ولو عاوزينه كيزر نكوره وننزله في سمسم ونرص في الصاج ولو عاوزينه فينو هقولك على حاجه عشان لفه الرغيف عليها عامل في جوده الشغل
نبطط اللقمه وببطن ايدك من فوق لتحت نبرمهاونكمل الرغيف ونرص في الصاج والكيزر نحط اللقمه على الرخامه ونحط ايدينا فوقيهااطراف الصوابع على الرخامه وكل الأيد على الرخامه من ورا ونلف منضغطش على اللقمه وهي هتلف لوحديها جوه ايدينا عشان وشها ميتقطعش ونبطها براحه في سمسم مبلول بسنة ميه ونرص في الصاج
والسميط نضع ٣ لقم في بعض ونبرم رغيف تخين شويه ونقفل الطرفين نقفلهم في بعض ونحطها في سمسم مبلول بسنة ميه ونرصها في الصاج ونسيبه يخمر ونولع الفرن على درجه٢٨٠ولو في البوتجاز عادي بس نولع قبل مانخبز بربع ساعه وتكون عاليه
والف هنا
رئيس قسم المطبخ أ سمسمه سعد
