ع شفير الانهيار بقلم ريما خالد حلواني من ديوان من صميم القلب

ع شفير الانهيار

بقلم ريما خالد حلواني

من ديوان من صميم القلب

رحت ع السوق محتار
الاسعار مثل النار

غلى كبير واستغلال تجار
وكأن في انفجار

اللحمة صارت حلم
والخضرة مصورة بدفاتر العلم
الفواكه كماليات
والارز رزق الله ع الذكريات

والله يرحم الاجبان
الفروج الو وحشتو
الخبز الو حساباتو
والسكر بيوجع سعرو
والبطاطا ما الها عازي

وهات ت نروح مشي
ما في بانزين خلينا نوفر شوى
بترجع من الشوب مريض
ساخن ع الاكيد

بتروح ع صيدلية
ت تأخذ دوى ما في دوى
من المرض ما في نوى

والمسؤول ع التلفون
بيجيب حاجاتو
وما بيعرف المواطن
شو صاير معو
او بيعرف وبيقول الحمد الله
يلي مني مواطن

فعلاً انت واطٍ
سقطت الميم سهواً
يمكن ما بتستاهلو
اسم الوطن يرتبط فيكم

خلي الوطاوي تحميكم
والله يصطفل فيكم
مين ما كنت تكون
تبهدلنا ومين المسؤول
كل واحد في مسلة بتنعرو

بقلمي
ريما خالد حلواني
من ديواني من صميم القلب