غادة طلعت دوري في مسلسل بركة كوميدي وبطارد عمرو سعد طول الوقت وتكشف عن طقوسها الخاصة في الشهر الكريم
إعداد دعاء سنبل
غادة طلعت أفتقدت فوازير رمضان وبحب اصلي في المسجد وخاصة التراويح
بحب رمضان علشان حاجات كتير
غادة طلعت فنانة شابة وموهوبة صعدت السلم تدريجياً بخطوات ثابتة ، قدمت العديد من الأدوار في الدراما التلفزيونية مثل مسلسل المغني للنجم محمد منير ، حلاوة الدنيا للفنانة هند صبري وشاركت في المارثون الرمضاني العام الماضي في مسلسل رحيم .
غادة كلمينا عن مشاركاتك في المارثون الرمضاني لهذا العام ؟ واحكيلنا نبذه بسيطة عن دورك؟
عندي في رمضان السنادي مسلسل بركة دوري مع النجم عمرو سعد هو دور كوميدي بنت صعيدية بتحب عمرو سعد وبتطارده طوال الوقت اسمها “زهيرة بنت عوض”، تعمل في محل حلويات، وبتقع في حبه ولكنه حب من طرف واحد، ويحدث بينهما العديد من المواقف الكوميدية.
المزيد من المشاركات
غادة إيه طقوسك الخاصة في رمضان ؟بتقضي رمضان ازاي وأيه في رمضان زمان افتقدتيه في رمضان دلوقتي؟
طقوسي ” بحب أصلي في المسجد وخصوصا التراويح ،وده مرتبط عندي بصديقاتي من أيام المدرسة ، ان شاء الله احاول الحق أصلي في المسجد خلال الشهر الكريم لاني عندي بروفات مسرح بتكون بعد الفطار، وكمان بحاول افطر مع أخواتي أكتر وقت ممكن في أيام الشهر الكريم ، ومفتقده جداً الفوازير كنت لحب نيللي وشريهان ، وبحب جدا الف ليلة وليلة وكنت بعيش داخل احداثها وبصدقها جدا ” الأشكيف المخيف” وحليمة وفاطيمة وكريمة وكنت بحب ألف ليلة وليلة وعروس البحور.
وكمان وحشتني المسلسلات الحلوة المكتوبة بشكل صادق زي ليالي الحلمية والشهد والدموع والوتد وغيرها وغيرها
وحشني اني افضل ادور على فانوس مختلف وكنت بحب الفانوس اللي بشمعة جدا رغم اني كنت “بتلسع” وانا بولع الشمعة، وبحب زينة رمضان ووقت السحور والهوا بيحرك الزينة بتاعت رمضان
انا بحب رمضان علشان حاجات كتير الراحة النفسية اللي بتغمرني وكمان بكون فرحانة اني بشارك في أعمال مهمة بتتعرض في شهر رمضان وبفرح ان اللي بيحبوني بيفرحوا بيا لما بيتعرضلي دور جديد وعمل مختلف” زي رحيم وحلاوة الدنيا وقبلهم المغني وأخرهم مسلسل بركة.
