غرام نعيم / تكتب … المتحرش
المتحرش
شعر / غرام نعيم
المتحرش مش غلبان
ولا بيعاني من حرمان
هو اختار أنه يكون فاسد
مجرم فاجر شخص جبان
طب وإن قالوا إنه عيان
كده مش قصده كده معذور
لا عليه حرج ولا عليه لوم
وإنه كمان يبقى المظلوم
ممكن برضه كلام معقول
بس اللي يصدق مسطول
أصل اللي يخطط لجريمته
وبيختار وينقي فريسته
يبقى ده واعي كده ومسئول
ليه يتحرش بالأطفال
فين المتعة ويا عيال
ويقولوا ستر!، لأ ده محال
هو اختار يعيش بالعار
وتكون عيلته كده في مرار
ده المتحرش أصله وضيع
وما بيعتقش حتى رضيع
وكفانا خلط في المواضيع
المزيد من المشاركات
غرام
