غرام نعيم تكتب …. ايه تانى
أيه تاني
شعر : غرام نعيم
ايه تانى
المزيد من المشاركات
أيه تاني كمان يادنيا
ما كفاية اللي جرى لنا
ياما شفنا وياكي قهر
وعذاب وجراح وغدر
ياما ضيعتي في أمالنا
وأحلام حلوة في خيالنا
كم مرة فاتنا القطر
والصبر كان خيارنا
كان مر لكن قدرنا
ياما قلنا ده اختبار
لكن الحقيقة احنا
تعبنا من الانتظار
كان ليا يوم صديق
عالدرب كان رفيق
كان دايما وقت الضيق
تلقاه جنبي شقيق
كان قدري وكان نصيبي
وحبي أنا كان حقيقي
واليوم ماشي في طريقي
وحدي بعد أما باعني
وعرفت في بعده عني
إنه ماكان يستاهلني
وإزاي أنا كنت طيب
فاكر إنه كان قريب
مني علشان رايدني
لكن الحقيقة إنه
مصلحته قبل مني
وأما سقط القناع
وعرفت إنه خداع
كان باع من غير وداع
غرام
