غلِطت .. ومن سوء حظى … للشاعر / محمد زيدان

غلِطت “ 1 “ .. ومن سوء حظى 

الشاعر / محمد زيدان

غلِطت

يوم ما امنت لقلب .. عمره مره ما حس بيا

وصدقت مريض بالكدب .. كل وعودة طلعت وهميه

دخلته حياتى ازاى مش فاهم

وجيت على نفسى اكتر مااللازم

محيت عقبات كتير ف طريقنا

وبينا .. كان بيبنى بدل الحاجز 100

غلِطت

يوم ما قبلت بوضع .. لا كان يناسبنى ولا من مقامى

على امل ان اغير طبع .. انسان دخلنى ف سيناريو درامى

سيبت مشاعرى معاه توجهنى

 ولاحساس انه مسيره يفهمنى

وف النهاية طلعت عايش وهم

طلعت .. بساعده ف قتل كرامتى بايديا

***********

غلِطت انى .. بقلب طيب .. وحسن نيه .. مشيت معاه

وبنفس راضية .. اديتله واكتر .. من اللى كانت ايدى طايلاه

كان جوايا اصرار مش فاهمة

 ان افضل معاه لنهاية فيلمه

جايز اكون حاولت ف قلبى ان اقنع

ان اما اسيبه هكون مش ظالمه

وعشان من تانى لعلاقتنا الفاشله

لو حن ف مره وطلب مقابله

ولما ارفض وقتها حتى اسمع

ساعتها ضميري ميفتحش بقه بكلمه

او يتهمنى بانى اتسرعت بانى نهيت علاقة مؤذيه

************

غلطت انى .. بين كبريائى والايجو جواه .. حاولت كتير

اوازن بينهم .. لكن طباعنا .. كانت عصية على التغيير

معادلة غلبت معاه فى تطبيقها

ومسافات بينا رفض يقربها

رفض يتنازل وفضلت اتنازل

كنت فاكر ان هقدر لوحدى احققها

معادلة صعبة واللى اصعب منها

ان احساسى كان متردد يخوضها

كان بيقوللى مش ده اللى يستاهل

خطوة واحدة من اللى ف طريقه مشيتها

وكدبته ومشيت ورا حب الاعمى وادتله الاولوية

****************

غلط وتحت غلط بجر مليون خط

غلط ومن سوء حظى ان بيه اتقابلت

قابلته وانا فى احسن حالاتى

وسايبة وانا بمر باسواء فترة عدت عليا

محمد زيدان