“فاتن أمل حربي” حياة المطلقه تنقسم إلى ثلاث أجزاء..
بقلم /آيه عادل
* سيف في حوار مع أمه
بس القضية محتاجة مصاريف!
– ايوة طبعا هى محتاجة مصاريف .. انا
عندى فكرة .. العفش اللى احنا اخدناه
منها ده نبيعه وبفلوسه نصرف على القضيه.
* سيبي العفش على جنب يا ماما انا عايز
أذلها!
– طب ماتذلها وانا بقولك اهو هو انت لما
تبيع العفش مش هتذلها .. هتذلها بفلوسها (الشيطان عجز عن الرد)
– خلاص ياسيدي روح اتجوز تانى .
* وتالت ورااابع بس وهى تحت ايدي
وتحت رجلي كمان!!
شريف سلامه..
ازاى عرفت ترسم الشخصية صح اوى كده؟!
بلطجي بيضرب ويهين ومؤذي نفسياً،
حتى طريقة مشيته ياجماعة!
فاتن امل حربي..
حقيقي انا معجبه بقوة الشخصيه المكتوبه،
مش معني اني اطلقت اني هعيش ضحيه
لا ده انا (هطلع عينك) .. عااادي..
شبه راجل..
مسلسل محتاج منك ثبات انفعالي وقوة
إنك تحبس دموعك وتعمل مخدتش بالك
وانت بتشوف سِت بتمر بمحاولات تدمير
نفسي من “شِبه راجل” بيسرق حقها
وبيرضى يبيت بناته على الأرض بعد
ماسرق عفشهم .. ومستعد يحرق فرش
بيته ولا إن مراته وولاده يناموا عليه،
ومش بس كدة.. يغير كالون الشقه
ويرميهم بره … ويأجرها كمان!
ورغم كل ده رسمت على الحيطه شجره
وقالت لهم تخيلوا أنكم فى حديقه ونايمين
تحت شجره وفيها عصافير وفراشات وحكتلهم
حدوتة وهزرت معاهم.. وناموا على الأقل مطمنين في ليله انتزعت الطمأنينه من قلبها هى!
ازاى مطلوب من أطفال مروا مع امهم بكل
ده يبروا ابوهم اللى استحل الخراب ومحاولات تدمير نفسيتهم بكل طاقته؟!
وصف “اليوم كمطلقة”بينقسم إلى ثلاث..
شغل وبيت ومحكمه.. و فعلاً للأسف ده حال
كل ام انفصلت عن زوج مريض، غير أمين
و(شبه) راجل حتى الوصف ده كتير عليه!!
اظن ان المسلسل ده بيتعرض لقضيه مهمه
وللأسف القانون المقترح للأحوال الشخصيه؛ مصمم يلغي شخصية النساء القانونيه!
شابوه الفنانه نيللي كريم على ادائها الأكثر
من رائع للدور المكتوب بحرفيه.
شابوه شريف سلامه لإتقانه تفاصيل
الشخصيه.
فاتن أمل حربي..
دراما رمضانيه/ لإبراهيم عيسى
إنتاج/ جمال العدل
إخراج/ محمد العدل
