فجر جديد.. بقلم/ محمود عبدالعال.
بنتولد وكل شيء جديد فى جديد
بتجيلنا الملابس كأننا بفرحة عيد
بقى لينا اسم نتسمى بالوجود
عيد وسعيد ورمضان عبدالمجيد
المزيد من المشاركات
بنكبر فى دنيا ملهاش كبير
بقى فينا الغني والفقير
الحزن والفرح ملازمنا كتير
ولو تعبنا مالناش غير السرير
دنيا بنسلمها لبعض جيل ورا جيل
وصلنا للجيل الرابع يا ولاد قابيل
بس مسلكناش من ولاد هابيل
هنفضل نلعب بالبيضة والمنديل
دجل وشعوذة وشوية تخاريف
أصبحت حياتنا أقل من الكفيف
لا نسمع لا نتكلم كأننا مظاريف
فجر جديد يا دوب إسم لطيف
