فجروا.. بقلم/ غرام نعيم.
فجروا بينا الكنايس
فجروا بينا المساجد
مهما كان إرهابكوا زايد
احنا برضه شعب واحد
كل فجر يوم جديد
انت بتزيد الوعيد
هو أنت أيه قلبك حديد
يسألوك بتقول موحد
كل يوم تسجد لربك
أنت فاكر إن يعني
يبقى ليك الكون لوحدك
ولا فاكر تبقى فايز
ولاراح تاخد جوايز
لأ ده أنت شخص عاجز
ترتكب أسوأ ذنوب
تفتكر تلحق تتوب
أما بتدبح في أهلك
حييجي يوم برضه حتهلك
زيد في غدرك وف خساستك
كل روح تبقى في رقبتك
