فراخ مشوية مقدمة من الشيف آية الله طارق
كتبت نهي مرسي حمامة
المقادير:
فرخة متوسطة
½ كوب كاتشب
½كوب عصير برتقال بلدى فريش
¼ كوب خل
¼كوب زيت
¼ كوب ماء بصل
ملعقة صغيرة مليانة عسل ابيض
ملح
ملعقة كبيرة من كل: بصل بودر – ثوم بودر- زعتر – بابريكا
ملعقة صغيرة من : فلفل اسود – روز مارى – بهارت فراخ
مكعب مرقة دجاج مفتفت
الطريقه :
هنضف ونغسل الفراخ جيدا بالملح والدقيق والجنزبيل وننقعها ف ماء وخل ١٠ دقايق ونفتحها بالطول من عند الصدر كما موضح بالصور
هنضع كل المقادير ع بعضها ونمزجهم جيدا وونضع فيها الفراخ اقل حاجه ٤ ساعات والافضل طبعا من بليل للصبح
هنضع الفراخ وباقى التتبيلة ف صينية فرن وتغلف بورق فويل وتدخل فرن سخن ع درجة حرارة ٢٠٠ ف النص لمدة ساعة مع المتابعة وع حسب الفرن بتاعك ولما تستوى هننزع ورق الفويل ونضعها تحت الشواية ٥ دقايق وكلى احلى فراخ مشوية بجد تحفه 🖒🖒💛💛
ملحوظة: البرتقال بيشيل اى زفارة للفراخ وبيديها طعم حلو اوى
معلقة العسل بتساعد ع التسوية وماتخافيش مش هتبان
