فراخ مشوية في الفرن مقدمه من شيف هند محسن

فراخ مشوية في الفرن

مقدمه من شيف هند محسن

المقادير

فرخة ( اكيد طبعا مش محتاجه اقول )
بصلة متوسطة
واحدة طماطم
قرن فلفل اخضر بارد او حامي
نص قرن فلفل احمر
معلقتين خل
معلقتين زيت
عصير لمونتين
التوابل ( ملح . فلفل اسود . كمون . ثوم بودر . زعتر . بابريكا . كسبرة ناشفة. ربع معلقه حبهان مطحون. جنزبيل مطحون . بهارات فراخ مشوية)
# ورقتين لورا .. فص حبهان .. ربع معلقة قرفة
لدهان الفرخة علشان التلميع و اللون الخارجي ( نص معلقة عسل . معلقة كاتشب. معلقة صويا صوص. معلقه بودرة ديمجلاس . معلقة زبدة أو سمنة )

الطريقة

هنغسل الفرخة كويس جدا وننقعها في محلول النقع لمدة ساعتين ونعمل فيها فتحات من تحت الجلد
في الكبة هنحط البصل والطماطم والفلفل والزيت والخل وكل التوابل ونضرب كويس جدا
نتبل الفرخة كويس جدا من جوة ومن برة ونتركها اقل حاجه ساعتين او تبات في الثلاجة ليلة كاملة
نحضر صينية فرن ونضع في المنتصف برطمان زجاج أو زجاجة ونملأها بالماء ونضع فيها ورق اللورا والحبهان والقرفة
( وده هيخلي الفرخة جوسي جدا من جوة )
نوقف الفرخة فوق البرطمان زي الصوره كده
وندخلها الفرن في الوسط لحد ما تستوي كويس
نخرجها ندهنها بخليط التلميع وندخلها تحت الشواية
تقدم بجانب سلطة الحاتي ( هنزلهالكم البوست الجاي ) وسلطة الطحينة مع الارز او المكرونة

الدجاج مصدرًا مهمًا لبعض الفيتامينات، كفيتامين D الذي يساعد على امتصاص الكالسيوم، وبالتالي تقوية العظام، إضافة لفيتامين A الذي يُسهم في تحسين البصر، وكذلك فيتامينات B الضرورية لإنتاج الطاقة وتكوين خلايا الدم الحمراء السليمة، أما محتواه من الأملاح المعدنية فيتوزع على الصوديوم والبوتاسيوم اللذان يساعدان على تحقيق التوازن بين سوائل الجسم، بينما محتواه من الفسفور فيُسهم في تنظيم وظائف الدماغ والمحافظة على صحة العظام والأسنان، وكذلك تحسين عملية الأيض، كما يوفر الحديد الضروري لإنتاج الهيموغلوبين والتخلص من فقر الدم وكذلك لأنشطة العضلات المختلفة، وجميع ذلك يعكس فوائد الدجاج لجسم الإنسان. يضبط مستويات ضغط الدم ومن فوائد الدجاج لجسم الإنسان أيضًا، وُجد أن استهلاكه يضبط مستويات ضغط الدم،  حيث إن اتباع نظام غذائي يحتوي على الدجاج والمكسرات والمنتجات قليلة الدسم والخضروات والفواكه يُسهم في خفض ضغط الدم المرتفع، ومن ناحية أخرى يعد محتواه من الكوليسترول والدهون المشبعة أقل مقارنة باللحوم الحمراء، تنصح باستهلاكه -أو استهلاك الأسماك- بكميات أكبر من استهلاك اللحوم الحمراء، وذلك لدوره المهم في خفض نسبة الكوليسترول في الدم، ولكن يجب أن يكون ذلك بعيدًا عن الاستهلاك المفرط الذي يزيد احتمالية الإصابة بأمراض القلب.

الف هنا
رئيس قسم المطبخ أ سمسمه سعد

تابع ايضا الحلبة المعقودة أو المفتقه مقدمه من شيف مني القاسم