فريدة سيف النصر تدافع عن محمد رمضان :” عامل جمعيات لمساعدة المحتاجين وتزويج اليتامى”
فريدة سيف النصر تدافع عن محمد رمضان :” عامل جمعيات لمساعدة المحتاجين وتزويج اليتامى”
كتبت: مي شاهين
دافعت الفنانة فريدة سيف النصر عبر صفحتها على موقع التواصل الاجتماعي الشهير” فيس بوك ” عن الفنان محمد رمضان، وكشفت عن جمعيات خيرية يتكفل بها الفنان محمد رمضان.
حيث قالت:” برضه محمد رمضان وحش وضيع جيل باكلمه يا ريدا، الاختلاف في الرأي لا يفسد للود قضيه..ده رأي الاستاذ محمد صبحي كوبي ..بس مش الفنان ومصر علي رأيه هو وغيره وحاجات افظع من كده..بصوا انا عارفه حاجه ماكنتش عايزه اتكلم فيها ومتردده لأنه هو اخفاها فا اسفه يارمضان.. اليكم ماعلمته وتأكدت والساكت عن الحق شيطان أخرس”.
وأضاف :” الوحش السئ اللي طلعتم فيه أسوء صفات الانسانيه كلها..صلوا عالنبي عليه الصلاة والسلام..
أهو علي قد ماأقدر بنعمل أي حاجه ولو بسيطه لله..أمي الله يرحمها كانت تقول..(قليل دائم خير من كثير زائل) وكمان قلل من النذر وأوفي.،معني الكلام خللي اللي بتعمله دايم حتي ولو قليل الناس اتعودت..أنا عندي سيده محترمه ما بتجيني والكلام صدفه واشاره من ربنا اني اعرف فاأقول”.
وتابعت:”الست المحترمه قالت مش هندي فلانه وفلانه هما قالوا كده الحق حبيب ربنا احنا اتعرفنا علي ناس خدونا لجمعيات محمد رمضان…نعم جمعيات مين؟ قالوا محمد رمضان..عند مكان نشأته في منطقة القصبجي..مكان للمساعده العامه والمرضي..ومكان خاص تاني لتزويج اليتامي ورعايتهم..طيب أبكي ولا أعمل إيه أنا قلبي بيتهز والله من الرحمه والخير..وده رمضان ياللا اشتموه خلليه يلم كل الحسنات كمان”.
واستطردت قائلة:” بصوا قسما بالله قلبي ما حب حد وطلعت غلط..كمان نائب محترم محمد المسعود..عامل جمعيات بالشكل ده ومن زمان جدا.لما تلاقوا بركه اعرفوا ليه ماتحسدوش ..ربنا يزيدهم يارب والصدقات بتزود المال ربنا قال كده..وعلي فكره اللي يقول بتطبل هاسأله ليه؟ أنا مش عايزه حاجه من حد ولا باتصل بحد”.
وأضافت :” وبالنسبه لرمضان مافيش مسلسلات الانتاج بقي جوه ضبابي ماحدش شايف تحت رجله في ايه؟ وبالنسبه لحفلاته مش هانفعه بحاجه.. ومنطقه امبابه رمضان وبولاق المسعود..من الاحياء الجدعان اللي بحبها زي باقي شعبياتنا مصر حلوه اوي وناسها جدعان..اللي بيشتموا ويحقدوا قله اوي بس كل واحد عامل الف حساب يشتم ويغل ربنا يشفي قلوب الناس لانها بتحرقهم قبل اي حد.. اللهم بلغت اللهم فاشهد..انا حطيت محمد صبحي لأنه مصر جدا جدا جدا حبيت اقول له ماتاخدش بالظاهر اللي يعرفه ربنا وشايفه انت ماتعرفوش “.
واختتمت حديثها قائلة :” والكلام لكل متسرع..وربنا يكرم الجميع شكرا..لكم وشكرا لكل كن جاله نعمه وشارك المحتاجين في غيركم لأه..ولا لأه ليه الله الأعلم بيهم لحد ماتتعرف وحد زيي يبلغ..اصل احنا في زمن يبلغوا الوحش هوا لكن الحلو يصعب عليهم يقولوه..خلليهم النزول تحت صعب اوي ظلام ووحده وبرد وتراب وحساب وووووو حصاد ألسنتنا..ياااااااارب ارحمنا واسترنا فوق الارض وتحت الارض ويوم العرض…آمين”.
