فريق شارموفرز.. يتناول معاناة أهل غزة من زاوية مختلفة “هل ؟!”
فريق شارموفرز.. يتناول معاناة أهل غزة من زاوية مختلفة “هل ؟!”
✍🏻أميرة سلامة
يواصل فريق شارموفرز، نشاطه الفني حيث قاموا اليوم بطرح أغنية جديدة لهم، تحمل اسم “هل ؟!” وذلك على جميع المنصات الموسيقية و على قناتهم الرسمية بيوتيوب.
أغنية “هل ؟!” لـ شارموفرز
أغنية “هل ؟!”، لفريق شارموفرز تدعم القضية الفلسطينية حيث أنها تعرض الكوارث الإنسانية، التي تُجرى في فلسطين وما يمر به أهالي غزة من عنف وظلم، من قبل قوات الاحتلال الإسرائيلي.
الأغنية من كلمات “محمد الشافعى”، والألحان لـ “أحمد بهاء” أما التوزيع فكان لـ “محمد العرقان”، وشركة “ديجيتال ساوند”.
كلمات أغنية “هل ؟!” لفريق شارموفرز
وتقول كلمات أغنية “هل ؟!”، لفريق شارموفرز
هل فيه طريقة .. للرجوع للحياة ؟
بعد الحقيقة .. وبعد اللي شوفناه
بعد انعدام الانسانية .. والرجوع للجاهلية
والمشاهد المأساوية .. وكل اللي عيشناه
هل فيه طريقة .. نبتسم ونعيش
والناس هناك .. يومهم ميعديش
مع اننا نفس القضية .. وكلنا نفس الضحية
الفرق بينا خطوتين .. يعني المسافة ، مفيش
بعد استماع .. صوت الاهات
ع التليفونات .. رؤيا الوشوش المقهورين
جوه الشاشات
بعد ما عرفنا ألام .. وعيونا بطلت تنام
وحضرنا قَتل الأُمنيات
وشوفنا ناس بِقلوب حَجر .. عُمي النَظر
إخترعوا أسباب للسكات
ميهمهومش لا صوت صريخ.. ولا صوت عِياط
ويهمهم صوت ضحكهم ، وقت الحداد
هل فيه طريقة .. للرجوع للحياة
بعد سمع بُكا البنات ع الأمهات
وجع الأم وحزنها .. خوفها وكسرة قلبها
قلة حيلتها وضعفها .. واملها تحصل معجزات
هل فيه طريقة .. نبتسم ونعيش
والناس هناك .. يومهم ميعديش
مع اننا نفس القضية .. وكلنا نفس الضحية
والفرق بينا خطوتين .. يعني المسافة مفيش
بس احنا برضه مؤمنين بالله .. مين يهزم اللي ربه واقف معاه
هنشوف على وشوشهم ف يوم .. نفس الألم نفس الوجع والكسرة
والخوف والهموم .. والفرق بينا اننا
مِسلمين ل ربنا .. ووعده لينا اننا هنقوووم
