“فصل كلامك” قصيده للشاعر عمرو عاشور

فصل كلامك
من عواصف خير ل مادة
اصل المحبة حبة حبة هاتبقى حبة
والمحبة ف كاس نبيت
ناتجة من سكر التافعل
كل حلم حلمت بية
انت فعلة وهو فاعل
انت و انا ….
انا و انت
كاسى اتملى ..
ملا كيسنا
جانا الجفا ..
جفا روحنا
بنسافر قرن التنين
والقرن الستين بيبوحنا

الصبر مغير ملامحنا
والمحنة بتجر لمحنة
وان احنا نصبح مش احنا
دليل ان احنا جوة تابوت
لسة ف ودنى صوت التوت
لما القطر سبق قدام
عمرك شوفت امام مخنوق
لم اصحابة وعملوا مقام

الحالة صبحت مش هى
والنية ملت تضحية
والدنيا فاتحة الكلية
لجل ماهى عايزة فلوس
حظى معاها كان متعوس
والاتعس منى كان منى
وﻹنى باصص تحتيا
لاقتنى وسط حمام الغية
مادد ايدى لرب الكون
وبقولة يا رب
نفيى ف ضحة تشبة بنتى
وابقى الاب

طبع الدنيا غريب وعجيب
والاعجب كان عاجب ديب
والغابة مليانة وحوش
والاوحش كان ماسك عود
بين الطبل وبين الرقص
كان بيعلم موسى الصبر
لجل مايصبح كالفرعون
شد العزم وعين العون
دوق النمر بدون النوون

فتلاقى العمر بيتاخد
والصبر يعاند فيجاهد
والمر كاساتة بتتعاهد
تسقيك الحزن ف كوباية
بتلم الضحك ف ضحكاية
ومراية قلبك مكسورة
كام جارح واضح ف الصورة !؟
كام حلم حلمتة
وهو مجاش !؟
الكون بقى ترزى وبيفصل
واانا قلبى قماش
فمتستغربش ان انا مش ميت
وإنى معاكم مش ف تابوت
بس العمر طلبنى اللحظة
احيا اللحظة ..ثم اموت !