فضفضة مع وفاء عبد السلام لحظه ضعفى

فضفضة مع وفاء عبد السلام لحظه ضعفى

فى اوقات كتير بتعدي على واحد فينا بنحس فيها بالحظات ضعف ..

واوقات تانية بنحس اننا جيبنا اخرنا من كل حاجه ..

وبنبدأ ندور على مكان و الركن نقعد فية نعيد حسابتا لوحدنا .. ونفضل نبكي زي الأطفال
نبكي لغاية مانطلع كل اللي جوانا من ألم ووجع وكلام كتير مش عارفين نحكيه ازاي ..
او حتي نحكيه لمين ..
وبعد مانخلص بكاء .. نمسح وشنا عادى ..
ونخرج للناس .. ولاصحابنا .. ولاهلنا ..
نسمع منهم ونشارك مشاكلهم .. ونطبطب عليهم ونشوف حل
نمسح دموعهم ونواسيهم ..
واحنا من جوانا أضعف منهم مليون مرة ..
لكن للاسف في ناس كدة كتير شكلنا ..
شكلهم اقوي من ان حد والناس لا تعتقد ابدأ انهم موجوعين وبيتألمو ..
ناس فعلا انتكتب عليهم يسندو غيرهم ومايلاقوش اللي يسندهم ..