فضيحة في الساحل الشمالي “رقص وعرى وإنحلال” بالوقائع والتفاصيل
فضيحة في الساحل الشمالي “رقص وعرى وإنحلال” بالوقائع والتفاصيل
فضيحة من العيار اثقيل رصدتها الفنانة غادة ايهاب نافع إبنه النجمة الكبيرة الراحلة ماجدة والفنان والطيار الراحل إيهاب نافع في الساحل الشمالي بجمهورية مصر العربية ونحن لانزال في مقتبل موسم الصيف .
قيم وأخلاقيات
فقد فاجئتنا الفنانة الشابة قبل ساعات قليلة وعبر صفحتها الخاصة بالفيس بووك بتوجيه رسالة شديدة الأمر بمثابة صرخة مدوية ليس للأباء والأمهات فقط بينما لكل من يعنيهم الأمر ومطالبين بالحفاظ علي القيم والإخلاقيات التي نشانا وتربينا عليها
حيث قالت : ” إلى سكان الساحل الشمالي العشوائيين ارجوكم ماحدش يزعل من كلامي ، لعلها تكون مصدر تنوير والهام لمن يهمه امر اولاده
يا ناس فوقوا و ربوا عيالكم .. ربوا عيالكم قبل فوات الاوان ، ليه عيال في سن ١٥ سنه تشرب خمرة !
ليه بنات تصاحب و تروح تقضي اليوم في بيت صاحبها !
ليه العيال معاها فلوس بالالفات لدرجة انهم في السن ده خروجتهم يتغدوا في ساتشي !
كل شئ مباح
ليه بنات تعمل عيد ميلادها ١٦ سنه كأنه فرحها !
ليه نعلم ولادنا ان كل شيء مباح و ان الفلوس ملهاش قيمة
! ليه من سن ١٥ سنه البنت تلبس Valentino and Gucci
ليه الساعة ال Rolex دلوقتي ! طيب ايه اللي هيبسطهم لما يكبروا ؟!
خلاعة ومنظرة
ليه نطلع جيل بيقيم أصحابه علي حسب عندهم فلوس أدد ايه ، و الله و الله انا مبحبش أقارن بس أصحابها في كندا آخرهم جزمة converse و لو خرجوا راحوا السينما مينفعش ياكلوا بره علشان ميصرفوش كتير
لكن في نفس الوقت بيصرفوا آلاف علي رياضة و تمارين و كورسات ، المسألة كلها هي ثقافة أولويات … انا فعلا مصدومة من حجم المنظره اللي الجيل ده هيتربي عليها ، احنا مكناش كده !
عري ورقي
و حقيقى فعلا كان فيه عرى بس فيه رقي ، و حقيقي كان فيه خروج بس مكنش فيه اسفاف ، و حقيقي ماكانش فيه حجاب منتشر بس كان فيه إلتزام ، و حقيقي كان فيه ماركات بس للشياكة مش للمنظرة لمن استطاع اليها سبيلا
كان فيه خروجات بس من غير بذاءات .. كان العيب عيب مش حاجة عادي
دقة قديمة
انا شايفة ان انعدام الاخلاق والنخوة بقت من العاديات .. انا اسفة يمكن انا دقة قديمة .. و يشرفنى ان ولادي كمان يكونوا دقة قديمة .. و اتمنى و يشرفني ويسعدني اني اجوزهم ناس معتدلين و دقة قديمة زينا .. متعوب على تربيتهم ، عارفين معنى القرش الحلال و العيب و الحرام و عينيهم مليانة و مش محتاجين يبينوا ماركة مايوهاتهم عشان يبانوا انهم ولاد ناس .. لانهم اصلا ولاد اصول .. “
يمكن يكون ده اخر منشور لي في الجروب
اقرأ المزيد
وزيرة الثقافة ورئيس الاوبرا يطلقان فعاليات الدورة 29 لمهرجان ومؤتمر الموسيقى العربية
