فطيره تركيه بالدجاج مقدمه من اسلام عصفور
كتبت سمسمه سعد
مده التحضير حوالى ساعه
مده الطهى من 15 إلى 20 دقيقة
المكونات
3 كوب دقيق
معلقة صغيره بيكنج بودر
معلقة صغيرة ملح
2 معلقة كبيرة حليب بودرة
معلقة كبيرة خميرة فورية
معلقة صغيره سكر
نص كوب دافئ للعجن
2 معلقة كبيرة زبادى
معلقة صغيره خل
2 معلقة كبيره زيت
ماء دافئ للعجن
التغطية
بيضة /فلفل أسمر
حبه البركة
جبنة موتزريلا
الطريقه
نضع الخميرة والسكر فى نصف كوب الماء ونغطيهم لما يتفاعلو
ونخلط الدقيق مع البيكنج بودر والملح والحليب البودرة ونضيف الخميرة والزبادى والخل ونعجن ونكمل عجن بميه دافيه لما تلم معانا نضيف الزيت ونعجن كويس ونغطيها تخمر ونقسمها إتنين
ونفرد واحده على دقيق بسيط ونحطها فى صينيه مفروشه ورقه زبدة أو مدهونه زيت بسيط ونحط الحشو ونرش شويه جبنة موتزريلا ونفرد النص التانى من العجينة بنفس المقاس ونغطى بيها ونقفل الأطراف لتحت ونضغط عليها بشوكه وندهن الوش بالبيضه ونرش جبنة موتزريلا وحبه البركه
المقادير دى عملت فطيرة حجم كبير (جامبو)ممكن تتعمل إتنين وسط
حشو الدجاج
2 صدور فراخ مقطعة شرايح رفيعة وفى طاسه على النار فيها معلقة زيت ومعلقه سمنة تسخن نضيف قطع الدجاج ونقلب لما تاخد لون أحمر نضيف معلقة صغيره من السبع بهارات وكمون وفلفل أسمر وملح ونقلب ونضيف معلقة كبيره مشروم مقطع شرايح ونقلب ونضيف بصلة كبيره مقطعة جوليان ونقلب دقيقتين ونضيف قرن فلفل مقطع شرايح رفيعة ونقلب ونضيف حبه طماطم مقطعة شرايح ونقلب دقيقه ونطفى عليها
وممكن يكون الحشو (لحمه مفرومة أو هوت دوج أو سوسيس أو خضار )زى ما تحبو
رئيس قسم المطبخ أ / جيهان جعفر
