فطير مشلتت مقدم من الشيف دعاء نصر

كتبت إيناس حسنين

المقادير :
٢ كوب دقيق
كوب زبدة او سمنة
كوب الا ربع ماء
ذرة ملح

الطريقة :
الدقيق مع الملح و عليهم الماء و نعجن لحد ما تتكون عجينة ناعمة و طرية .. هنلمها بزيت ونعملها كور ونسيبها ترتاح نصف ساعة متغطية و نفردها علي رخامة مرشوش عليها دقيق ونفرد فيها لحد ماتبقي رقيقة جدا شبه شفافة وندهنها زبدة و نطويها كذا طاوية و كل ما نطوي ندهن زبدة و كل ما نزود الزبدة تطلع طرية اكتر ونعملها مدورة او مربعة و ندهن الوش زبدة وندخلها فرن علي درجة حرارة ١٨٠ مدة ساعة الا ربع او علي درجة حرارة ٢٠٠ مدة نص ساعة علي الشبكة في نص الفرن لحد الوش مايحمر و تخرج نلفها بورق فويل عشان ماتنشفش وبالهنا